| e-texts navigator |
| Wylie |
34b1 ཕྱོགས་བཞི་དབུས་དང་ལྔ་རུ་ནི།། ཕུང་པོ་ལ་ནི་སྟོང་རྒྱས་གདབ།། སྔོན་འགྲོ་ལས་དང་སྟ་གོན་གཉིས།། སྐལ་ལྡན་ཀུན་གྱི་ལམ་ཡིན་ཕྱིར།། ཆོས་རྣམས་ཀུན་གྱི་རྩ་བ་སྟེ།། འཇུག་སྒོ་ལམ་ལ་གཅེས་པར་གསུངས།།
34b2 རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། དབང་གི་སྔོན་དུ་འགྲོ་བའི་ལས་བསྟན་པའི་ལེའུ་སྟེ་ཉེར་བདུན་པའོ།། །། དེ་ནས་འདུས་པའི་ཚོགས་རྣམས
34b3 ལ།། རྒྱུད་ནི་སྨིན་པར་བྱ་བའི་ཕྱིར།། ཐུན་མོང་དབང་གི་རིམ་པ་ཡང་།། ཀུན་རིག་སྟོན་པས་བཀའ་སྩལ་པ།། ལྟ་བ་ལམ་དུ་ཁྱེར་བའི་དབང་།། དཀྱིལ་འཁོར་བཅུག་ལ་དམ་ཆུ་བླུད།། འཕྲེང་བ་དོར་ཞིང་ནས་འབྲུ
34b4 གདགས།། དབུ་རྒྱན་ཐོད་པ་བརྟུལ་ཞུགས་དང་།། རྡོ་རྗེ་དྲིལ་བུ་མིང་གི་དབང་།། ལུས་ངག་ཡིད་གསུམ་ཕྱིར་མི་ལྡོག། ངེས་པའི་བླ་མར་ལུང་བསྟན་པ།། གོ་རིམ་བཞིན་དུ་ངས་བཤད་ཉོན།། མ་རིག་མུན་པ་གསལ
34b5 བའི་ཕྱིར།། ཕྱི་རོལ་ནས་ནི་མིག་བསྒྲིབས་ཏེ།། རྡོ་རྗེ་ལམ་ནས་འཁྲིད་འོངས་ལ།། ལུང་བསྟན་དཀྱིལ་འཁོར་ལྟར་བཅུག་སྟེ།། དཀྱིལ་འཁོར་བཟང་པོ་འདི་ལ་ལྟོས།། ད་ནི་དད་པ་རབ་ཏུ་སྐྱེས།། བུ་ཁྱོད་ཀྱིས་ནི་ཇི
34b6 ལྟར་མཐོང་།། གང་མཐོང་ཁྱོད་ཀྱི་དངོས་གྲུབ་ཡིན།། དེ་ཡང་འདུས་པའི་སྙིང་པོ་ཉོན།། འཐུང་ཞིག་དམ་ཚིག་ཆུ་འདི་འཐུང་།། བླ་ན་མེད་ཀྱང་རྡོ་རྗེ་དམྱལ།། དམ་ཚིག་འདས་ནས་བསྲེག་པར་བྱ།། དམ་ཚིག་ཐུབ་ན
iiif viewer powered by OpenSeadragon
