| e-texts navigator |
| Wylie |
34a1 དཀྱིལ་འཁོར་བཅའ།། ཐིག་གདབས་དཀྱིལ་འཁོར་བྲི་ལ་སོགས།། གཞུང་དང་མཐུན་པར་བསྐྱེད་བྲིས་ལ།། མཛེས་ལྡན་ཡིད་འཇུག་རྒྱན་དགོད་དེ།། དེ་རྗེས་དབང་རྫས་ཐུན་མོང་ནི།། བུམ་པ་ལྷ
34a2 གྲངས་བསྟུན་བྱས་ཏེ།། གཏོར་མ་ལ་སོགས་ཚོགས་ཀྱི་རྫས།། ཅི་འབྱོར་ནུས་ཚད་ཚོགས་པར་བྱ།། དེ་ཡང་རྡོ་རྗེ་སེམས་དཔའ་ཉོན།། ཡེ་ཤེས་ལྷ་ཡི་དོན་བསྟན་ཕྱིར།། ཁྱད་པར་འཕགས་པའི་རྫས་ལྔ་དང་།། འཇུག
34a3 སྒོ་ལྔ་ཡི་རྫས་རྣམས་དང་།། རས་སམ་ཤིང་ཤུན་གྲོ་ག་ལ།། བྲིས་ཏེ་ལུང་ལྡན་བྱིན་གྱིས་བརླབས།། མཚམས་ཀྱི་དཀྱིལ་དུ་བཞུགས་པར་བྱ།། དེ་ནས་དད་ལྡན་འཁོར་སོགས་ཏེ།། དམ་ཚིག་སེམས་མེད་བརྩོན་འགྲུས
34a4 ཅན།། བྱང་ཆུབ་དོན་དུ་གཉེར་བ་དེས།། མོས་གུས་དད་པས་ལུས་བཏུད་ནས།། བླ་མ་རྗེ་བཙུན་སྤྱན་སྔ་རུ།། ཐེག་པ་ཀུན་དང་སྒོ་བསྟུན་ཕྱིར།། སྒོ་གསུམ་སྨིན་པའི་ཚུལ་གྱིས་ནི།། སྡོམ་བཟུང་སེམས་ནི་བསྐྱེད་པར
34a5 བྱ།། ད་ཡང་འདུས་པའི་སྙིང་པོ་ཉོན།། དེ་རྗེས་དོན་ལ་འཇུག་ཆེད་དུ།། དང་པོ་སྟ་གོན་ལ་གནས་ཕྱིར།། སྒོ་ལྔ་མི་གཡེངས་བརྡའ་བཅིངས་པ།། བརྐྱང་ཕྱག་ལྷ་དང་དལ་དུ་གཞུག། ལས་ནི་དོན་དང་ལྡན་པའི་ཕྱིར།།
34a6 གང་མཐོང་ཅི་དྲན་དྲིས་པ་དང་།། ལན་དང་སྦྱར་ལ་དངོས་གྲུབ་བསྟན།། དེ་ཕྱིར་དད་པས་གནས་པར་བྱ།། དེ་ཡང་འདུས་པའི་སྙིང་པོ་ཉོན།། ཤེས་རབ་སྟ་གོན་གནས་བྱའི་ཕྱིར།། དཀྱིལ་འཁོར་ལ་ནི་ཁ་བལྟས་ཏེ།།
iiif viewer powered by OpenSeadragon
