| e-texts navigator |
| Wylie |
33b1 ཀྱང་།། འབྲས་བུ་སངས་རྒྱས་འབྱུང་བ་མིན།། དེ་ཡང་འདུས་པའི་སྙིང་པོ་ཉོན།། དེ་དག་གཞན་གྱིས་ལམ་མང་ཡང་།། རང་ལ་ཡོད་པར་མ་ཤེས་ནས།། གཞན་ནས་ཚོལ་བ་རྨོངས་པའི་ཆོས།། དེ་ཕྱིར་རྩོལ་མེད་ཆོས
33b2 འདི་གཅེས།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། ཐེག་པ་གཞན་སུན་འདོན་པར་བསྟན་པའི་ལེའུ་སྟེ་ཉེར་དྲུག་པའོ།། །། སྡོམ་དུ་བསྡུས་ཏེ་བསྟན
33b3 པ་ལྔ་པའོ།། །། དེ་ནས་རྡོ་རྗེ་སེམས་དཔའ་ཡིས།། འཁོར་གྱི་རྒྱུད་སྨིན་བྱ་བའི་ཕྱིར།། ངེས་དོན་ཆོས་ལ་འཇུག་དོན་དུ།། བདེན་པའི་ཡིད་ཀྱིས་འདི་སྐད་གསོལ།། ཐུན་མོང་ཁྱད་འཕགས་དབང་ལྔ་ནི།། ཡང་དག
33b4 ཆོས་ཀྱི་རྩ་བའི་དབང་།། གོང་འོག་རིམ་པ་ཇི་ལྟར་བསྐུར།། ཀུན་རིག་སྟོན་པས་བཤད་དུ་གསོལ།། དེ་སྐད་ཞུས་པས་དོན་གསན་ནས།། དད་ལྡན་འདུས་པའི་འཁོར་རྣམས་ལ།། ཐུན་མོང་ཁྱད་འཕགས་དབང་ལྔ
33b5 ནི།། ཀུན་བཟང་ང་ཡིས་བཤད་ཀྱིས་ཉོན།། ཐུན་མོང་སྔོན་འགྲོ་སྟ་གོན་དང་།། འཇུག་སྒོ་དབང་གི་རིམ་པ་ཡང་།། ངོ་བོ་དབྱེ་བ་དཔེ་དང་གནས།། རྫས་དང་ངེས་ཚིག་ལས་འདའ་དཀའ།། རྟགས་དང་མཐར་ཐུག
33b6 ཀུན་ལ་སྦྱར།། ད་ཡང་འདུས་པའི་སྙིང་པོ་ཉོན།། སྔོན་འགྲོ་ལས་ཀྱི་བྱ་བ་ནི།། ཡིད་འཐད་པར་ཆད་མི་འབྱུང་འགྲོ།། བཀྲ་ཤིས་བདེ་ལྡན་འདོད་དགུ་རྙེད།། ཉམས་དགའ་དབེན་པའི་གནས་དེ་རུ།། ཚད་ལྡན་པ་ཡི།
iiif viewer powered by OpenSeadragon
