| e-texts navigator |
| Wylie |
33a1 གདེང་དང་ནི།། ཏིང་འཛིན་སྤྱོད་པ་དུས་གཅིག་ཏུ།། རང་བྱུང་མཉམ་པའི་དོན་རྟོགས་ཕྱིར།། བརྗོད་པའི་ཐ་སྙད་ཀུན་བྲལ་བའི།། ཐིག་ལེ་ཉག་གཅིག་ཆོས་ཀྱི་སྐུ།། ཤེས་དང་སངས་རྒྱས་དུས་མཉམ
33a2 ཕྱིར།། དེ་ལས་ལྷག་པའི་ཆོས་གཞན་མེད།། ད་ཡང་རྡོ་རྗེ་སེམས་དཔའ་ཉོན།། ཁྱེད་ཐེག་པ་འོག་མ་པ།། བྱེ་མ་ལས་ནི་མར་བཙིར་འདྲ།། བེམ་པོ་འབྱུང་བ་རྣམ་པ་ལྔ།། སངས་རྒྱས་འདོད་པའི་སྙིང་རུལ་ཀུན།།
33a3 བསྐལ་པར་བསྒྲུབས་ཀྱང་འགྲུབ་མི་སྲིད། བེམ་པོ་རང་ཡང་སེམས་ཡིན་ན།། ལུས་ལ་འཕོ་འགྱུར་ཡོད་པ་བཞིན།། སེམས་ལ་སྐྱེ་ཤི་ཡོད་པར་འགྱུར།། དེ་ཕྱིར་རང་བྱུང་ཡེ་ཤེས་མིན།། དེ་ཡང་འདུས་པའི་སྙིང་པོ
33a4 ཉོན།། རྫོགས་ཆེན་ལམ་ནི་ཇི་ལྟར་འདོད།། ཡང་ཏི་དོན་ལམ་ཆེན་པོ་ནི།། ཁྱུང་ཆེན་ནམ་མཁར་ལྡིང་བ་བཞིན།། དྲན་པ་ཙམ་གྱིས་ཆོས་སྐུར་གསལ།། དེ་ཙམ་ཉིད་ན་ཡེ་ཤེས་ཐུགས།། དེ་ཕྱིར་མ་བགྲོད་དམ་པའི
33a5 ལམ།། དཔེར་ན་ནོར་བུ་རིན་ཆེན་བཞིན།། རྟོགས་པ་ཙམ་གྱིས་ཆོག་པའི་ཆོས།། བདག་གཞན་དོན་ནི་ལྷུན་གྱིས་གྲུབ།། དེ་ཕྱིར་ངེས་དོན་ཡ་མཚན་ཆེ།། དེ་ཡང་རྡོ་རྗེ་སེམས་དཔའ་ཉོན།། ཁྱེད་ཅག་ཐེག་པ་འོག་མ
33a6 པ།། དཔེར་ན་ཏིལ་གྱི་མར་ཡོད་ཀྱང་།། མ་བཙིར་བར་དུ་མར་མི་འབྱུང་།། དེ་བཞིན་རང་ལ་ཡོད་མོད་ཀྱང་།། མ་བསྟན་བར་དུ་ཤེས་མི་སྲིད།། བསྐལ་པ་འབུམ་ཕྲག་བརྒྱ་ཡིས་པར།། འདུས་བྱས་ཆོས་སྤྱོད་བྱས་གྱུར
iiif viewer powered by OpenSeadragon
