| e-texts navigator |
| Wylie |
32b1 ཟཐག་ཏུ་གདམས་ངག་ཐོབ།། ཅིག་ཅར་ངེས་དོན་དབང་བསྐུར་བས།། དབང་དང་མཉམ་བཤད་གདམས་ངག་ཕོག། རང་རིག་ཆོས་སྐུ་དུས་འདིར་རྟོགས།། དེ་ལྟར་ཡིན་པར་མ་ཤེས་ཕྱིར།། དཔེར་ན་ཉི་མའི་སྙིང་པོ
32b2 ལ།། སྤྲིན་ནི་དཀར་ནག་གཉིས་ཀས་བསྒྲིབས།། དེ་བཞིན་ཐབས་ལ་བརྟེན་པ་ཡིས།། གང་ཟག་ཀུན་གྱིས་དངོས་པོར་བཟུང་།། དེ་ཕྱིར་ལམ་གྱི་གེགས་སུ་གསུངས། དེ་ཡང་རྡོ་རྗེ་སེམས་དཔའ་ཉོན།། དཔེར་ན་སྐྱེས
32b3 བུ་མི་རྣམས་ཀྱིས།། སྔགས་མེད་པ་ཡིས་དུག་ཟོས་ན།། ཨ་ཤུ་ཀ་ཡི་རྐྱེན་ཡིན་ཕྱིར།། ཆེ་ཆུང་གང་ཟོས་གཉིས་ཀས་འཆི།། ངེས་པའི་ལུང་ལྡན་དོན་མེད་ཕྱིར།། ཐབས་ནི་ཆེ་ཆུང་གཉིས་ཀས་བསྒྲིབ།། རྩོལ་བ་བྱས་པ
32b4 ཐམས་ཅད་གོལ།། དེ་ཕྱིར་རང་རིག་ཆོས་སྐུ་ནི།། སེམས་ཀྱི་གསེབ་ནས་ངོས་ཟིན་ན།། ཐབས་ནི་གང་ལ་བརྟེན་པ་མེད།། དེ་ཕྱིར་མན་ངག་སྙིང་པོའི་ཆོས།། ད་ཡང་འདུས་པའི་སྙིང་པོ་ཉོན།། ཁྱེད་ཅག་ཐེག་པ་འོག
32b5 མ་པས།། མཚན་མ་དངོས་སུ་སྤྱོད་སྒོ་ནས།། འབྲས་བུ་ཐམས་ཅད་མཁྱེན་པ་ཡི།། ཡེ་ཤེས་ཐོབ་པར་འདོད་པ་ནི།། ཤིན་ཏུ་གཏི་མུག་རྨོངས་པའི་གནས།། ཀུན་བརྟགས་བསྒོམ་པའི་ཆོས་པ་ཀུན།། ལམ་གྱི་གེགས་ནི
32b6 ཐབས་ཡིན་ཕྱིར།། གོལ་ས་ཡིན་པར་ཀུན་ནས་བཤད།། དེ་ཕྱིར་ཐབས་ལ་བརྟེན་མི་དགོས།། དེ་ཡང་འདུས་པའི་སྙིང་པོ་ཉོན།། སངས་རྒྱས་ཉིད་དུ་འགྲོ་བ་ཡི།། ངེས་པའི་ལམ་ནི་གང་ཡིན་པ།། ཐོག་མར་ལྟ་བའི
iiif viewer powered by OpenSeadragon
