| e-texts navigator |
| Wylie |
32a1 དཔའ་མན་ཆད་ནས།། སེམས་ཅན་དམྱལ་བ་ཡན་ཆད་དུ།། རང་དོན་མཐར་ཕྱིར་གྲུབ་པ་ལ།། སྟོང་ཉིད་ཏིང་འཛིན་བག་ཆགས་སྦྱང་།། ཆོས་སྐུ་ཐམས་ཅད་མཁྱེན་པ་ཡི།། ཡེ་ཤེས་དོན་ལྡན་སྐུ་གསུམ
32a2 རྫོགས།། དེ་ཡང་རྡོ་རྗེ་སེམས་དཔའ་ཉོན།། འདི་ལས་ལྷག་པའི་ངེས་དོན་ཆོས།། རྫོགས་པ་ཆེན་པོ་ཁྱོད་ལ་མེད།། དེ་ཕྱིར་ཟབས་ལ་བརྟེན་ནས་ནི།། ཤེས་རབ་ལྟ་བས་ཟག་བཅད་སྟེ།། འབྲས་བུ་ངེས་པར་འབྱུང
32a3 བར་འདོད།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། སྔགས་མཚན་ཉིད་ཀྱི་ལམ་དང་འབྲས་བུའི་དབྱེ་བ་བསྟན་པའི་ལེའུ་སྟེ་ཉེར་ལྔ་པའོ།། །། དེ་ནས
32a4 འདུས་པའི་ཚོགས་རྣམས་ལ།། ཀུན་རིག་སྟོན་པས་བཀའ་སྩལ་པ།། ཐེག་བརྒྱད་ལམ་གྱི་གོལ་ས་ནི།། ཁྱེད་ཅག་བློ་དམན་མ་རིག་པས།། ཐབས་དང་ཤེས་རབ་འབྲེལ་དགོས་ཟེར།། འཁྲུལ་པ་བརྟས་པའི་རྟོག་པ
32a5 ཡིན།། དེ་ཡང་འདུས་པའི་སྙིང་པོ་ཉོན།། དཔེར་ན་མར་ནི་འདོད་པ་ལ།། ཆུ་བསྲུབས་པས་ནི་མར་མེད་ལྟར།། ཐབས་ཀྱི་མཚན་མ་དངོས་སུ་སྤྱད།། ཞེན་པའི་སེམས་ཀྱིས་བྱང་མི་ཆུབ།། རང་སེམས་ཆོས་སྐུར་མ
32a6 རྟོགས་ན།། ཕྱི་ནང་གསང་བའི་དབང་བསྐུར་ཀྱང་།། འབྲས་བུ་སངས་རྒྱས་འབྱུང་མི་སྲིད།། ཤིན་ཏུ་རྣལ་འབྱོར་རྫོགས་ཆེན་ལ།། ཕོ་མོ་ལུས་རྟེན་དབང་མི་དགོས།། དེ་ཕྱིར་ཁྱད་འཕགས་རིག་པའི་དབང་།། བསྟན་མ
iiif viewer powered by OpenSeadragon
