| e-texts navigator |
| Wylie |
31b1 རྗེ་སེམས་དཔའ་ཉོན།། འབྲས་བུ་བདག་དང་གཞན་དོན་དུ།། ཕུན་སུམ་ཚོགས་པ་ཐོབ་པ་ནི།། འདི་ལས་ཐབས་ཆེན་ཉེ་བའི་ལམ།། ཆོས་ཉིད་གཞན་ན་མེད་དོ་ཟེར།། དེ་དག་དབྱེ་བ་ཚོགས་བསགས་ཐབས།། སྙིང
31b2 རྗེ་ཆེན་པོས་གཞི་བཟུང་བ།། ཐེག་པ་གཞན་དུ་ཞི་བ་བསྟན་ཕྱིར།། ངེས་དོན་སྐབས་སུ་ངས་མ་བཤད།། དེ་ཡང་རྡོ་རྗེ་སེམས་དཔའ་ཉོན།། གསང་སྔགས་ཕྱི་ནང་འདོད་པའི་གཞུང་།། ལམ་དང་འབྲས་བུའི་ཁྱད་པར
31b3 ནི།། ཐབས་དང་ཤེས་རབ་ཟུང་འབྲེལ་ན།། ཆེ་བའི་ཡོན་ཏན་འབྲས་བུ་རྙེད།། འབྲས་བུ་ཐམས་ཅད་མཁྱེན་པ་ཡི།། ཡེ་ཤེས་ཐོབ་པར་བྱ་བ་ལ།། ཐབས་དང་ཤེས་རབ་འཛོམ་པར་དགོས།། དེ་ཕྱིར་ཐབས་ནི་གང་ཞེ།
31b4 ན།། ལན་གཅིག་དུས་ཀྱི་དེང་སང་ན།། ངེས་དོན་ཟབ་མོ་ཁྱད་བསད་ནས།། མ་རིག་གླེན་པས་ཀུན་བསླུས་ཕྱིར།། བྱི་བཤུགས་ཕོ་མོ་ཀུན་བསོགས་ནས།། སྨིན་པར་བྱེད་པའི་ལམ་ཡིན་ལ།། ཕྱི་ནང་གསང་བའི་དབང
31b5 དགོས་ཟེར།། འདོད་ཆགས་ལམ་དུ་ཁྲིད་བྱས་ནས།། ཕུང་པོ་ཁམས་དང་སྐྱེ་མཆེད་ཀུན།། ལྷ་དང་ལྷ་མོར་གནས་འགྱུར་ཕྱིར།། རིམ་གྱི་བསྐྱེད་དང་མ་བསྐྱེད་རྫོགས།། ཆོ་ག་གསུམ་མམ་བདུན་གྱིས་ནི།། བསྐྱེད་ཅིང
31b6 བསྒྱུར་བྱས་ཡེ་ཤེས་སེམས།། སྤྱན་འདྲེན་བསྟིམ་དང་མཆོད་པ་སོགས།། གཞུང་དང་ལྡན་པར་བྱས་གྱུར་ཀྱང་།། མཐར་ཕྱིན་འབྲས་བུ་ཐོབ་དུས་ན།། གཟུགས་སྐུ་རྣམ་གཉིས་འབྱུང་ནས་ཀྱང་།། བྱང་ཆུབ་སེམས།།
iiif viewer powered by OpenSeadragon
