| e-texts navigator |
| Wylie |
31a1 དོན་མཐར་ཕྱིན་འགྲུབ་པ་ཡི།། འབྲས་བུ་སངས་རྒྱས་ཐོབ་པར་དུ།། མཐོ་རིས་གནས་ལ་རྟེན་བཅས་ཏེ།། ལྷ་དང་མི་ཡི་ཐེམ་སྐས་ལ།། རིམ་པར་འཛེག་ནས་སངས་རྒྱས་འབྱུང་།། དེ་ཡང་འདུས་པའི
31a2 སྙིང་པོ་ཉོན།། ཁྱེད་ནི་ཡང་ཏི་རྫོགས་ཆེན་པ།། གང་ལ་ཡང་ནི་མི་བརྟེན་པར།། རྟོགས་པ་གཅིག་པུས་ཆོག་ཟེར་བ།། རྒྱ་རྐྱེན་མ་ཚང་འབྲས་བུ་འདོད།། སྟོང་པ་ཉིད་ཀྱི་མཐའ་རུ་ལྷུང་།། ལུང་རིགས་གཉིས་དང་ཤིན་ཏུ
31a3 འགལ།། དེས་ན་དགེ་བ་ཚོགས་པར་སྤྱད།། འབྲས་བུ་ལྷ་དང་མི་ཡི་ནི།། འབྲས་བུ་ཐོབ་པར་བྱ་བ་ལ།། རང་སེམས་རྟོགས་པས་མི་ཆོག་སྟེ།། བསོད་ནམས་ཚོགས་ནི་བསགས་ནས་ཀྱང་།། མྱ་ངན་འདས་པའི་མཐའ
31a4 བརྟེན་ཏེ།། ཏིང་འཛིན་རྩེ་གཅིག་བསྒོམ་གྱུར་ན།། འབྲས་བུ་ཐམས་ཅད་མཁྱེན་པ་ཡི།། ཡེ་ཤེས་ཐོབ་པར་འགྱུར་བ་ལ།། ཁྱེད་ནི་ཡང་ཏི་རྫོགས་ཆེན་པ།། སེམས་ཉིད་རྟོགས་པས་ཆོག་ཟེར་བ།། འཁོར་བ་ལས་ནི
31a5 ཐར་གྱུར་ཀྱང་།། མྱ་ངན་འདས་པའི་མཐའ་རུ་ལྷུང་།། ལམ་དེའི་འབྲས་བུས་སངས་མི་རྒྱ།། དེ་ཕྱིར་འབྲས་བུ་བླ་མེད་པའི།། བྱང་ཆུབ་ཐོབ་པར་བྱ་བ་ལ།། རྒྱུ་ནི་ས་དང་ཕ་རོལ་ཕྱིན།། ལམ་ལ་རིམ་གྱིས་བགྲོད་ནུས
31a6 ན།། གཞན་དོན་འབྲས་བུ་ཕུན་སུམ་ཚོགས།། གཟུགས་སྐུ་རྣམ་གཉིས་ཐོབ་པར་འགྱུར།། ཤེས་རབ་མི་རྟོག་རྩེ་གཅིག་ཏུ།། མ་ཡེངས་དོན་ལ་བསྒོམས་གྱུར་ཀྱང་།། བདག་དོན་ཆོས་སྐུ་འགྲུབ་པར་འགྱུར།། དེ་ཡང་རྡོ།
iiif viewer powered by OpenSeadragon
