| e-texts navigator |
| Wylie |
30b1 འགལ།། ཁ་དོག་དབྱིབས་སུ་མེད་པ་ལ།། རྟག་པའི་སྐྱོན་གྱིས་ཅི་ལ་གོས།། མི་འགྱུར་ཡེ་ནས་གནས་པ་ལ།། རྟག་ཅེས་ཟེར་ན་རྟག་དཀའ་བས།། ཆོས་སྐུ་འགྱུར་མེད་འདོད་ཐོག་ཡིན།། ཆོས་སྐུ་རྒྱུན་དུ་ཡེ་ཡོད
30b2 ཕྱིར།། ཆད་པའི་སྐྱོན་གྱིས་ཡེ་མ་གོས།། དངོས་པོ་མཚན་མ་མེད་པའི་ཕྱིར།། རྟག་པ་ཐེར་ཟུག་ང་ལ་མེད།། དེ་ཕྱིར་སྐྱོན་མེད་གཉིས་ཀར་གནས།། དེ་ཡང་རྡོ་རྗེ་སེམས་དཔའ་ཉོན།། ཆོས་འདི་མཆོག་ཏུ་གསང་བ
30b3 ཡིས།། སྒོ་ལྔ་དག་གིས་སྤྱོད་ཡུལ་མིན།། དེ་ཕྱིར་ཆོས་སྐུ་བརྗོད་ལས་འདས།། བརྟགས་པའི་ཐ་སྙད་ཀུན་དང་བྲལ།། དེ་ཕྱིར་སེམས་ཀྱི་ཡུལ་ལས་འདས།། རང་བྱུང་རིག་པའི་ཡེ་ཤེས་ལ།། ཚིག་གིས་མཚོན་པ་ཐམས
30b4 ཅད་ནོར།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། ཡང་ཏི་ཤན་དབྱེ་བ་བསྟན་པའི་ལེའུ་སྟེ་ཉེར་བཞི་པའོ།། །། དེ་ནས་ཀུན་རིག་སྟོན་པ་ཡིས།།
30b5 འདུས་པའི་འཁོར་ལ་བཀའ་སྩལ་པ།། ཉན་ཐོས་ལམ་དང་འབྲས་བུའི་གཞུང་།། ཚེ་ནི་སྔ་མ་ཡང་སྔ་ལ།། དགེ་སྡིག་ལས་ནི་གང་བྱས་པ།། ད་ལྟ་ལུས་ནི་བླངས་པ་ལ།། བདེ་སྡུག་གཉིས་ནི་དུས་འདིར་འབྱུང་།། ཕྱི་མ
30b6 འཁོར་བར་ལྟུང་དོགས་ནས།། སྡིག་སྤང་དགེ་བ་སྤྱད་བྱས་ནས།། འབྲས་བུ་ལྷ་མིའི་གོ་འཕང་ཐོབ།། དེ་ཡང་འདུས་པའི་སྙིང་པོ་ཉོན།། རྒྱུ་རྐྱེན་འཚོགས་པའི་དགེ་སྤྱད་ན།། ལས་དེས་འབྲས་བུ་ཐོབ་དུས་ནི།། གཞན
iiif viewer powered by OpenSeadragon
