| e-texts navigator |
| Wylie |
30a1 ཆགས་བྲལ་བ་ཡང་།། ཁྱད་པར་ཐ་དད་སྣང་གྱུར་ཀྱང་།། དོན་ལ་རྒྱུ་འབྲས་རིམ་གྱིས་མེད།། ངོ་བོ་གཞི་ཡིས་ཆོས་སྐུ་དང་།། རྟོགས་པའི་ཡེ་ཤེས་ཆོས་སྐུ་གཉིས།། ངོ་བོ་གཞི་ལ་ཐ་དད་མེད།། ཉི་མ
30a2 རང་གི་ངོ་བོ་ལ།། མུན་སྒྲིབ་གྲང་བ་གང་ཡང་མེད།། གློ་བུར་སྤྲིན་གྱིས་བསྒྲིབས་ཙམ་ན།། ཉི་འོད་མེད་པ་མ་ཡིན་ཏེ།། ངོ་བོ་འཕེལ་འགྲིབ་མེད་པ་ལྟར།། རྟོགས་མ་རྟོགས་ཀྱི་ཁྱད་པར་ལས།། སངས་རྒྱས་སེམས་ཅན
30a3 གཅིག་པའི་ཕྱིར།། གཞི་ལ་དུས་གསུམ་འགྱུར་མེད་ཡིན།། ད་ཡང་རྡོ་རྗེ་སེམས་དཔའ་ཉོན།། ལུང་ལྡན་བསྟན་པས་ཐམས་ཅད་མཁྱེན།། དེ་དུས་འབྲས་བུ་སངས་རྒྱས་ཕྱིར།། ངོ་བོ་དག་ལ་འཕེལ་འགྲིབ་མེད།།
30a4 སྐྱེ་འགག་མེད་པར་རྒྱུན་དུ་གནས།། སེམས་ཅན་དུས་ཀྱི་ཆོས་སྐུ་ལ།། དེ་ལས་འཕེལ་བ་རྡུལ་ཙམ་མེད།། དེ་ཕྱིར་ཡང་དག་ཡོད་པར་བཤད།། དེ་ཡང་འདུས་པའི་སྙིང་པོ་ཉོན།། འོ་ན་དུས་གསུམ་མི་འགྱུར་ཡང་།།
30a5 ཐམས་ཅད་ཆོས་སྐུར་འདོད་པ་དེ།། ལུང་རིགས་གཉིས་དང་འགལ་བ་དང་།། སྡུད་པའི་རྟོག་པར་འགྱུར་བའི་ཕྱིར།། ཡོད་ན་རྟག་ཆད་ཁྱད་ཅི་ཡོད།། དེ་ཡང་དོན་དང་མི་འགལ་ཏེ།། ཐམས་ཅད་ཆོས་སྐུར་འདུས་པ
30a6 དེ།། བསྡུས་ནས་འདུས་པ་མ་ཡིན་ཏེ།། ཉི་འོད་བུ་རམ་མངར་བ་བཞིན།། དུས་གཅིག་རྫོགས་པས་ཆོས་ཀྱི་སྐུ།། རང་བཞིན་ངང་གིས་གནས་པ་བཞིན།། རྒྱུ་རྐྱེན་ཚོགས་འདུས་མ་ཡིན་པས།། ལུང་དང་རིགས་པ་ཅི་ལ
iiif viewer powered by OpenSeadragon
