| e-texts navigator |
| Wylie |
2b1 རྣམས་ཀྱང་བཞུགས།། རིག་འཛིན་སེམས་དཔའ་ཆེན་པོ་ཡང་།། བློ་གྲོས་གཙོ་དང་རྣམ་དག་སྙིང་།། དམ་པའི་ཡོན་ཏན་འོད་རླབས་ཅན།། ཤེས་རབ་བླ་མ་རྒྱལ་མཚན་འཛིན།། རྣམ་པར་གྲོལ་བ་ཏིང་འཛིན་དབང་།།
2b2 ཆོས་དབང་དང་ནི་སྤོབས་པ་བརྩེགས།། བདུད་འཇོམས་དང་ནི་སེང་གེའི་སྒྲ།། རིན་ཆེན་མཐོང་དང་བརྩེ་བ་ཅན།། དབང་ཕྱུག་གཙོ་དང་བརྩེགས་དགེ་དང་། མཐོང་ན་དགའ་དང་བདེ་མོས་དང་།། གསུང་བརྩེགས
2b3 ལ་སོགས་འཁོར་རྣམས་ཀུན།། རང་རང་གཙོ་ལ་བསྐོར་ནས་ནི།། མི་བརྗེད་པ་ཡི་གཟུངས་ཀྱིས་འཁོད།། རྒྱལ་སྲས་སྤྲུལ་པའི་འཁོར་རྣམས་དང་།། ཚངས་པ་བརྒྱ་བྱིན་རྒྱལ་ཆེན་བཞི།། ཐགས་བཟང་རིས་དང་གང་བ
2b4 བཟང་།། ཆོས་ཀྱི་རྒྱལ་པོ་རྟ་མགོ་ཅན།། ཟུར་ཕུད་ལྔ་པ་ནོར་སྲུང་དང་།། མགྲིན་བཅུ་དང་ནི་ཀླུ་རྒྱལ་དང་།། དེ་འཁོར་ལ་སོགས་ཀུན་ཀྱང་གནས།། མཁའ་འགྲོ་སྡེ་ལྔ་སྲིན་མོའི་ཚོགས།། ཡེ་ཤེས་མཁའ་འགྲོ་རིག
2b5 པ་འཛིན།། རྡོ་རྗེ་མཁའ་འགྲོ་རིགས་ཀྱི་ཡུམ།། རིན་ཆེན་མཁའ་འགྲོ་འདོད་དགུ་བསྒྱུར།། པདྨ་མཁའ་འགྲོ་བདེ་ཆེན་རྒྱས།། ལས་ཀྱི་མཁའ་འགྲོ་ལུས་སྒྲིབ་སྦྱངས།། འཇིག་རྟེན་མཁའ་འགྲོ་དམ་བཏགས་པའི།།
2b6 འཁོར་གྱི་གཏོར་ཟན་ཕོ་མོ་ཀུན།། སྙིང་རྗེ་མེད་པར་གསོད་ལ་དགའ།། སྐྱོན་མཐོང་ཙན་ཆད་པ་གཅོད།། ཀུན་ཀྱང་སྲིན་པོའི་ཆ་བྱད་ཅན།། རྔམས་པའི་ང་རོ་འཇིགས་པའི་ཚུལ།། བསྟན་པ་བསྲུང་ཕྱིར་དུས་དེར
iiif viewer powered by OpenSeadragon
