| e-texts navigator |
| Wylie |
29b1 རང་བྱུང་ཡེ་ཤེས་ཆེན་པོ་ནི།། དུས་གསུམ་དག་ཏུ་མི་འགྱུར་ལ།། མེ་ལོང་ལྟ་བུའི་ཡེ་ཤེས་ཀྱང་།། ཐོག་མ་མེད་ཀྱང་ཟ་མ་ཡོད།། དེ་ཕྱིར་རྐྱེན་ལས་བྱུང་བ་ཡིན།། ཁམས་གསུམ་འཁོར་བའི་དུས་ཙམ་ན།། ཀུན་གཞིའི
29b2 རྣམ་པར་ཤེས་པ་ལ།། གཉེན་པོས་བསྐྱེད་པས་གནས་འགྱུར་གྱིས།། ཡེ་ཤེས་བྱ་བའི་མིང་ཡང་མེད།། ངེས་དོན་ཡང་ཏིའི་མིང་གིས་ནི།། ཁམས་གསུམ་འཁོར་བའི་དུས་ན་ཡང་།། རང་བྱུང་ངོ་བོ་ཉིད་ཀྱི་སྐུ།། ཆོས་སྐུ
29b3 ཁྱད་པར་ཡེ་གནས་ཕྱིར།། སངས་རྒྱས་འབྲས་བུ་ཐོབ་དུས་ན།། ཡེ་ཤེས་ཆོས་ཀྱི་སྐུ་ནི་གནས།། དང་པོ་རྒྱལ་བའི་བཀའ་འདི་ཡང་།། ཐོག་མའི་བྱུང་ཚུལ་མ་ཤེས་ན།། ད་ལྟ་བསྒྲུབ་པའི་ཐབས་མི་ཤེས།། ལམ་གྱི་ཐེ
29b4 ཚོམ་མི་ཆོད་བཞིན།། ཚེ་ཆད་པ་ཡི་སེམས་སུ་འགྱུར།། ད་ཡང་རྡོ་རྗེ་སེམས་དཔའ་ཉོན།། ཀུན་བཟང་ཐུགས་ཀྱི་ཉིང་ཁུ་འདི།། སྤྲུལ་པ་བཞི་ཡི་ཐུགས་བརྒྱུད་ནས།། གདམས་ངག་མ་ཆད་གསང་བའི་བཀའ།། ཨུ་རྒྱན
29b5 ཡུལ་ནས་རིམ་བརྒྱུད་ནས།། འབྲས་བུ་སངས་རྒྱས་ངེས་པ་གཅིག། དུས་ཀྱི་ཐ་མ་དེང་སང་ནས།། བོད་ཀྱི་མཐའ་འཁོབ་ཡུལ་དུ་འབྱུང་།། དེ་ཕྱིར་དོན་དམ་ཆོས་སྐུ་ལས།། ཆོས་ནི་གཞན་ན་ཡོད་མི་སྲིད།། དེ་ཡང
29b6 འདུས་པའི་སྙིང་པོ་ཉོན།། འོ་ན་ཁྱེད་ཀྱི་འདོད་པ་དེ།། སེམས་ཅན་ལས་ནི་སངས་རྒྱས་པ།། དེ་ཉིད་འགྱུར་བ་མ་ཡིན་ནམ།། ངེས་དོན་འགྱུར་བ་མ་ཡིན་ཏེ།། མ་རྟོགས་བག་ཆགས་བཅས་པ་དང་།། རྟོགས་པ་བག
iiif viewer powered by OpenSeadragon
