| e-texts navigator |
| Wylie |
29a1 བོར་གནས།། ཀུན་རིག་སྟོན་པས་བཤད་དུ་གསོལ།། དེ་སྐད་ཞུས་པའི་དོན་གསན་ནས།། འདུས་པའི་འཁོར་ལ་བཀའ་སྩལ་པ།། རྣམ་ཤེས་ཕུང་པོ་ཡང་དག་ཡོད།། ཕུང་པོ་བཞི་ནི་བྱིན་རླབས
29a2 འབྱུང་།། རྟག་ཆད་བྲལ་བ་རྣམ་ཤེས་ཀྱི།། ཀུན་གཞི་རང་གི་ངོ་བོ་ཡིན།། རྟག་ཆད་ངོ་བོ་གནས་པ་ནི།། ཕུང་པོ་གཞན་དང་ཚོགས་བདུན་ཡིན།། དེ་ཡང་འདུས་པའི་སྙིང་པོ་ཉོན།། དེ་ཡང་འབྲས་བུ་སྐུ་ལྔ་དང་།། ཡེ
29a3 ཤེས་ལྔ་རྣམས་ཡོད་ཚུལ་ནི།། འདུས་མ་བྱས་ཀྱི་ནམ་མཁའ་བཞིན།། དུས་གསུམ་འདུ་འབྲལ་མེད་པར་ནི།། ཆོས་སྐུ་ཡེ་ཤེས་ཡང་དག་ཡོད།། སྐུ་དང་ཡེ་ཤེས་གཞན་དག་ནི།། བྱིན་གྱིས་བརླབས་ལས་བྱུང་བ་སྟེ།།
29a4 གཟའ་སྐར་རྒྱ་མཚོར་ཇི་བཞིན་དུ།། བཙལ་དུ་མེད་པའི་ཤུགས་ལས་བྱུང་།། ཆོས་སྐུ་མེ་ལོང་ལྟ་བུ་ནི།། རྟག་ཆད་གཉིས་དང་བྲལ་བར་གནས།། ཐེག་པ་གཞན་དུ་ཞི་བ་བསྟན་ཕྱིར།། ངེས་དོན་སྐབས་སུ་ངས་མ
29a5 བཤད།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས་ཐེག་པ་སྤྱི་དང་མི་འགལ་བར་བསྟན་པའི་ལེའུ་ཉེར་གསུམ་པའོ།། །། དེ་ནས་འདུས་པའི་འཁོར
29a6 རྣམས་ལ།། ཡང་ཏི་རང་གཞུང་བཀའ་སྩལ་པ།། རང་བྱུང་ཡེ་ཤེས་ཆོས་སྐུ་ལ།། མེ་ལོང་ལྟ་བུའི་ཡེ་ཤེས་ཀྱང་།། ཡང་དག་དོན་དུ་མི་འདོད་ཕྱིར།། ཡེ་ཤེས་གཞན་ལ་སྨོས་ཅི་དགོས།། དེ་ཡང་རྡོ་རྗེ་སེམས་དཔའ་ཉོན།།
iiif viewer powered by OpenSeadragon
