| e-texts navigator |
| Wylie |
27b1 པའི་གཞུང་།། ཕུང་པོ་ཁམས་དང་སྐྱེ་མཆེད་སྦྱངས།། སངས་རྒྱས་ཡིན་པར་བློས་བསྒྱུར་ནས།། ཡེ་ཤེས་སེམས་དཔའ་མཆོད་ལ་སོགས།། ཚོགས་ཀྱི་བསོད་ནམས་བསྐྱེད་ནས་ནི།། ཆོས་ཉིད་སྒྲིབ་པ་བྲལ་དུས་ནི།།
27b2 འབྲས་བུ་འབྱུང་བའི་ངེས་པ་ནི།། སྐུ་གསུམ་ཡེ་ཤེས་ལྔར་འདོད་པས།། རང་རིག་ཆོས་སྐུ་ངེས་དོན་བསྒྲིབས།། ད་ཡང་རྡོ་རྗེ་སེམས་དཔའ་ཉོན།། ཨ་ནུ་ཡོ་གའི་འདོད་པ་ཡིས།། ཕུང་པོ་ལྔ་སོགས་རྟོགས་ཚོགས
27b3 ཀུན།། མ་བསྐྱེད་རྫོགས་པར་འདོད་པ་དེས།། འབྲས་བུ་ཡེ་ཤེས་ལྔ་དང་ནི།། སྐུ་ལྔ་ལྷུན་གྲུབ་འདོད་པས་བསྒྲིབས།། ད་ཡང་འདུས་པའི་སྙིང་པོ་ཉོན།། རང་བཞིན་ལྷུན་གྲུབ་སངས་རྒྱས་ནི།། དུས་གསུམ་དག་ཏུ་མི
27b4 འགྱུར་ཞིང་།། གཉེན་པོ་ཅིས་ཀྱང་བསྒྱུར་དུ་མེད།། ཐབས་ནི་གང་ལ་མི་བརྟེན་ཅིང་།། རང་བྱུང་ཀུན་ཏུ་བཟང་པོས་བྱས།། དེ་ཡང་འཁོར་གྱི་སྙིང་པོ་ཉོན།། ཕུང་པོ་རྣམ་པ་ལྔ་ལས་ནི།། སྐུ་ལྔ་ཡེ་ཤེས་ལྔ་རུ་འདོད།།
27b5 ཕུང་པོ་གཅིག་ལས་མེད་པ་ལ།། འབྲས་བུ་ཐ་དད་འབྱུང་བ་ཡི།། གནས་འགྱུར་དུ་ནི་སངས་རྒྱས་ནས།། རིགས་ལྔ་ཡེ་ཤེས་རྫོགས་འདོད་པ།། ཤིན་ཏུ་མི་འཐད་འགལ་བའི་ཕྱིར།། མ་རིག་རྨོངས་པས་རང་ལ
27b6 བསྒྲིབས།། དེ་དོན་འགལ་ཞིང་བསྒྲིབས་པ་ནི།། རྒྱུད་གཞན་དུ་ནི་ཞིབ་པར་བསྟན།། ངེས་དོན་སྐབས་སུ་ངས་མ་བཤད།། དེ་ཡང་རྡོ་རྗེ་སེམས་དཔའ་ཉོན།། མིང་གི་རྣམ་གྲངས་ལྔ་བསྟན་ཀྱང་།། དོན་གྱི་ངོ་བོ་གཅིག
iiif viewer powered by OpenSeadragon
