| e-texts navigator |
| Wylie |
26b1 དུས་གསུམ་མི་རྟག་འགྱུར་བ་དང་།། བག་ཆགས་མཚན་མའི་རྟེན་བྱེད་པས།། ཡང་དག་མ་ཡིན་འཁོར་བའི་རྒྱུ།། དེ་ཡང་འཁོར་གྱི་སྙིང་པོ་ཉོན།། དེ་དག་རྣམ་ཤེས་ཚོགས་བརྒྱད་ཀུན།། མ་རིག་རྐྱེན་ལས་བསྐྱེད་པའི
26b2 ཕྱིར།། སྡུག་བསྔལ་འབའ་ཞིག་བདེ་བ་མེད།། དེ་ཕྱིར་ཆོས་སྐུའི་གོལ་སར་གསུངས།། རྫོགས་པ་ཆེན་པོ་ངེས་དོན་ཐམས་ཅད་འདུས་པ་ཡེ་ཤེས་ནམ་མཁའ་དང་མཉམ་པའི་རྒྱུད་ལས། ཚོགས་བརྒྱད་གོལ་སར་བསྟན
26b3 པའི་ལེའུ་སྟེ་བཅུ་དགུའོ།། སྡོམ་དུ་བསྡུས་ཏེ་བསྟན་པ་བཞི་པའོ།། །། དེ་ནས་རྡོ་རྗེ་སེམས་དཔའ་ཡིས།། འདུས་པའི་འཁོར་ལ་ཕན་གདགས་ཕྱིར།། ཀུན་རིག་ཆོས་ཀྱི་རྒྱལ་པོ་ལ།། ཡིད་ཀྱི་དྲན་པས་འདི་སྐད
26b4 གསོལ།། མཚན་ཉིད་ཐེག་པ་ཇི་ལྟར་འཁྲུལ།། ཕྱི་ནང་གསང་སྔགས་སྒྲིབ་པ་གང་།། ཐབས་མེད་ཡོན་ཏན་ཇི་ལྟར་རྫོགས།། ཐེག་ཆེན་ཀུན་དང་མི་འགལ་གང་།། རྫོགས་ཆེན་རང་བྱུང་དབྱེ་བ་གང་།། ལམ་དང་འབྲས
26b5 བུའི་ཁྱད་པར་ཅི།། ཐེག་གཞན་སུན་ནི་ཇི་ལྟར་འདོན།། ཀུན་རིག་སྟོན་པས་བཤད་དུ་གསོལ།། དེ་སྐད་ཞུས་པས་དོན་གསན་ནས།། འདུས་པའི་འཁོར་ལ་བཀའ་སྩལ་པ།། འགྲོ་དྲུག་སེམས་ཅན་ཐམས་ཅད་ལ།།
26b6 ཕུང་པོ་ལྔ་ཡིས་ཀུན་ཁྱབ་སྟེ།། སྤྱི་དང་རང་གི་མཚན་ཉིད་ཀྱིས།། སོ་སོར་དབྱེ་བ་ངས་བཤད་དོ།། དང་པོ་སྤྱི་ཡི་མཚན་ཉིད་ནི།། ཕུང་པོ་ལྔ་རུ་འདོད་པའི་གཞུང་།། སེམས་ཙམ་ཐེག་ཆེན་པ་ན་རེ།། ཕུང་པོ་ལྔ་ལས་མ
iiif viewer powered by OpenSeadragon
