| e-texts navigator |
| Wylie |
26a1 དང་བྱིན་བརླབ་ཏུ།། ལེན་དུ་ཕྱེ་ནས་བསྟན་པའི་དོན།། ཚོགས་བརྒྱད་སེམས་སུ་སྣང་བ་དང་།། འཁོར་བའི་བག་ཆགས་བརྟགས་པའི་ཕྱིར།། ངེས་དོན་སྙིང་པོ་མ་ཡིན་པས།། དེ་ཡང་འདུས་པའི་སྙིང་པོ
26a2 ཉོན།། སྒོ་ལྔའི་རྣམ་ཤེས་ངོ་བོ་ནི།། ཡུལ་སྣང་ཙམ་ན་ཤེས་པ་སྐྱེ།། ཡུལ་མི་སྣང་ན་ཤེས་པ་འགགས།། ཡིད་ཀྱི་རྣམ་ཤེས་ངོ་བོ་ནི།། ཡུལ་སྣང་སྣ་ཚོགས་སེམས་པའི་ཕྱིར།། ཆགས་སྡང་ལོག་རྟོག་དག་ཏུ་འཛིན།། རྣམ
26a3 རྟོག་སྣ་ཚོགས་ངོ་བོར་སྣང་།། ཉོན་མོངས་ཡིད་ཀྱི་ངོ་བོ་ནི།། ནང་དུ་ཞེན་པ་དམ་པར་འཛིན།། རྟག་ཏུ་འཛིན་པ་ངར་འཛིན་བྱེད།། ཀུན་གཞིའི་རྣམ་ཤེས་ངོ་བོ་ནི།། མ་རྟོགས་ཐ་མལ་དུས་ཙམ་ན།། རྣམ་རྟོག་རྒྱས་ཤིང
26a4 རིག་པ་བསྒྲིབ།། རྟོགས་པ་མངོན་དུ་གྱུར་ཙམ་ན།། མ་རིག་བསྒྲིབས་ཤིང་ཡེ་ཤེས་རྒྱས།། གཞན་དུ་དེ་དང་མཚུངས་པར་ནི།། ཚོགས་བདུན་སྐྱེས་ན་འཕེལ་བར་སྣང་།། ཚོགས་དྲུག་འགགས་ན་བསྒྲིབས་པར་སྣང་།།
26a5 དེས་ན་ཤེས་པའི་ཚོགས་བརྒྱད་ཀྱང་།། ཡང་དག་མ་ཡིན་འཁོར་བའི་ཆོས།། དེ་ཡང་འདུས་པའི་སྙིང་པོ་ཉོན།། སེམས་ཅན་མོས་པ་ཐ་དད་པས།། གང་ཟག་བློ་ཡི་རིམ་པ་ལ།། གནས་འགྱུར་ཆོས་སུ་བསྟན་པ་ཡང་།།
26a6 བཀྲི་དྲང་ལྡེམ་དགོངས་ཙམ་དུ་བསྟན།། དེའི་སྐྱོན་ཡོན་ཁྱད་པར་ནི།། འབྱུང་བ་མེ་ཆུའི་དཔེ་བཞིན་དུ།། ཡེ་ཤེས་ལོག་རྟོག་ཁྱད་པར་གྱིས།། ཤེས་པ་ཀུན་གཞི་མཚན་ཉིད་ནི།། རྒྱུ་རྐྱེན་གཉེན་པོས་འཇིག་པ་དང་།།
iiif viewer powered by OpenSeadragon
