| e-texts navigator |
| Wylie |
24b1 དོན་མ་གོ།། མིང་ལས་ངེས་དོན་ཤེས་པ་ཀུན།། དེ་ཕྱིར་སེམས་ཀྱིས་བྱང་མི་ཆུབ།། དེ་ཉིད་བཙལ་བའི་མཐུན་དཔེ་ནི།། རྗེས་ནས་བཙལ་བས་གླང་པོ་རྙེད།། སེམས་ཀྱི་ཕྱོགས་ནས་དོན་བཙལ་ན།། རང་རིག་རྒྱལ་པོ
24b2 ཡེ་ཤེས་རྙེད།། དེ་རྙེད་སེམས་སུ་འཛིན་པ་བྲལ།། འཛིན་བྲལ་སེམས་མེད་རང་རིག་སྐུ།། དེ་དོན་འབྲལ་མེད་བྱང་ཆུབ་ཀློང་།། སེམས་བྲལ་ཏིང་འཛིན་རྒྱུན་དུ་གནས།། དེ་ཡང་འདུས་པའི་སྙིང་པོ་ཉོན།། སེམས་ལས
24b3 སངས་རྒྱས་འདོད་པ་ནི།། མོ་གཤམ་བུ་དང་གཉེན་བྱེད་བཞིན།། སྣང་བ་སེམས་ཡིན་ཟེར་བ་དེ།། ར་གན་གསེར་དུ་འཛིན་དང་འདྲ།། དེ་བས་ལུང་ལྡན་དོན་རྙེད་ན།། རང་བྱུང་སྙིང་པོའི་དོན་རྟོགས་པས།། མ་རིག
24b4 སངས་ནས་རང་སེམས་བརླག། དེ་ཕྱིར་ཆོས་སྐུ་འགྱུར་བ་མེད།། རྫོགས་པ་ཆེན་པོ་ངེས་དོན་ཐམས་ཅད་འདུས་པ་ཡེ་ཤེས་ནམ་མཁའ་དང་མཉམ་པའི་རྒྱུད་ལས། རང་སེམས་ངེས་དོན་མེད་པར་བསྟན་པའི་ལེའུ་སྟེ།
24b5 བཅུ་བདུན་པའོ།། །། དེ་ནས་ཀུན་རིག་རྒྱལ་པོ་ཡི།། སེམས་ཀྱི་རྣམ་གྲངས་མཚོན་པའི་དཔེ།། འདུས་པའི་འཁོར་ལ་བརྩེར་དགོངས་ནས།། ཆེད་དུ་དབྱེ་བ་བཀའ་སྩལ་པ།། སེང་གེ་ལྟ་བུའི་སེམས་དང་།
24b6 གཟིག་ལྟ་བུའི་སེམས་དང་། དོམ་ལྟ་བུའི་སེམས་དང་། དྲེད་མོ་ལྟ་བུའི་སེམས་དང་། སྤྱང་ཀི་ལྟ་བུའི་སེམས་དང་། གཡི་སྤྱང་ལྟ་བུའི་སེམས་དང་། འཕར་བ་ལྟ་བུའི་སེམས་དང་། ཁྱི་རྒོད་ལྟ་བུའི་སེམས་དང་། གསའ
iiif viewer powered by OpenSeadragon
