| e-texts navigator |
| Wylie |
23a1 མུན་ཁུངས་འདྲ།། དེ་ཡང་རྡོ་རྗེ་སེམས་དཔའ་ཉོན།། ལུས་སེམས་གཉིས་ཀྱི་བར་དོ་ན།། གོལ་ས་གཅོད་ནི་མ་ཤེས་ན།། ཉོན་མོངས་ཞེན་པ་ལྡོག་མི་སྲིད།། དྲེད་མོང་གདོས་ཀྱིས་ཟིན་པ་འདྲ།། མཉམ
23a2 བཞག་རྗེས་ཐོབ་པར་དོ་ན།། རྒྱུན་དུ་འབྲལ་མེད་མ་ཤེས་ན།། བལྟ་བསྒོམ་གཉིས་ཀྱིས་རྐྱེན་མི་ཐུབ།། ཆུ་བྲན་ཟན་པས་བསྐམ་པ་འདྲ།། སྲིད་པ་དག་གི་བར་དོ་ནི།། སངས་རྒྱས་དུས་ནི་མ་ཤེས་ན།། གཟུགས་སྐུ
23a3 རྣམ་གཉིས་འབྱུང་མི་སྲིད།། རིན་ཆེན་གདམ་དུ་སྟོར་བ་འདྲ།། བདག་གཞན་རྩོད་པའི་བར་དོ་ནི།། གལ་མདོ་ཚིག་གི་འཕྲང་མེད་ན།། ཐེག་པ་གཞན་ལས་བོགས་མི་ཐོབ།། གཡུལ་ངོ་ཕམ་པའི་བློན་པོ་འདྲ།། ད་ཡང
23a4 འདུས་པའི་སྙིང་པོ་ཉོན།། དེ་དག་གདམས་ངག་མེད་པའི་སྐྱོན།། སེམས་ཀྱི་རྩ་བ་མ་རིག་པས།། འཁྲུལ་པ་སྣ་ཚོགས་འབྱུང་བའི་ཕྱིར།། འཁོར་བའི་རྩ་བ་ཆགས་སྡང་ལྔས།། ངན་སོང་གསུམ་དུ་རྟག་ཏུ་འཁོར།། དེ
23a5 ཕྱིར་མ་རིག་སེམས་ཀྱིས་འཁྲུལ།། ད་ཡང་རྡོ་རྗེ་སེམས་དཔའ་ཉོན།། སེམས་ཀྱི་འདོད་ལུགས་རྣམ་པ་བཅུ།། ནན་བརྟགས་ལྟ་བ་ལོག་པར་བསྟན།། དེ་ཕྱིར་སྣང་བ་སེམས་སུ་བྱས།། ངེས་དོན་ཤེས་པ་བློ་ཡིས
23a6 བཅོས།། ཡང་དག་སེམས་མེད་ཆོས་མ་ཤེས།། དེ་ཕྱིར་ལུང་མེད་རིགས་པས་དཔྱད།། ཡུལ་སེམས་གཅིག་པར་བློ་ཡིས་བསྲེས།། དེ་ཡང་འདུས་པའི་སྙིང་པོ་ཉོན།། བདེ་གཤེགས་སྙིང་པོ་མ་མཐོང་བར།། ལུང་ལྡན
iiif viewer powered by OpenSeadragon
