| e-texts navigator |
| Wylie |
21b1 སུ་ཆོས་རྣམས་གཅིག་པ་ནི།། འཁོར་བ་མྱ་ངན་འདས་པའི་ཆོས།། སྒྱུ་མ་རྣམ་གཉིས་སྤྱོད་ཡུལ་ཏེ།། ལོག་རྟོག་ཡེ་ཤེས་ཐ་དད་ཀྱང་།། སེམས་ཀྱི་ཆོས་ཉིད་ངང་དུ་གཅིག། དེ་ཡང་རྡོ་རྗེ་སེམས་དཔའ་ཉོན།། དེ་ཡང་དེ
21b2 ཉིད་མཚོན་པའི་དཔེ།། སྤྲིན་དང་གཞའ་ཚོན་ཁུ་རླངས་དང་།། འབྱུང་བའི་ཆོ་འཕྲུལ་སྣ་ཚོགས་པ།། ནམ་མཁའི་ངང་དུ་རོ་གཅིག་བཞིན།། ཡུལ་གྱི་ཐ་སྙད་མཚན་མ་རྣམས།། རང་གི་སེམས་ཀྱིས་རྟོག་པའི་ཕྱིར།། ཕྱི
21b3 ནང་ཆོས་ཀུན་སེམས་སུ་གཅིག། དེ་ཕྱིར་ཆོས་རྣམས་མ་ལུས་ཀུན།། རིགས་རྒྱུད་མེད་ཕྱིར་སེམས་སུ་གཅིག། དེ་ཡང་རྡོ་རྗེ་སེམས་དཔའ་ཉོན།། མ་རིགས་འཁྲུལ་པའི་སེམས་འདི་ཡིས།། བྱང་ཆུབ་ཐོབ་འདོད་སྙིང་རེ
21b4 རྗེ།། ཉིད་ལ་ཉིད་འཁྲུལ་ཡིན་པའི་ཕྱིར།། སྨྱོན་པས་གྲིབ་མ་བསྙེགས་པ་འདྲ།། རྫོགས་པ་ཆེན་པོ་ངེས་དོན་ཐམས་ཅད་འདུས་པ་ཡེ་ཤེས་ནམ་མཁའ་དང་མཉམ་པའི་རྒྱུད་ལས། ཆོས་ཐམས་ཅད་སེམས་སུ་འདུས་པར
21b5 བསྟན་པའི་ལེའུ་སྟེ་བཅུ་བཞི་པའོ།། །། དེ་ནས་འདུས་པའི་འཁོར་རྣམས་ལ།། ཀུན་རིག་རྒྱལ་པོས་བཀའ་སྩལ་པ།། མ་རིག་སེམས་ཀྱི་མུན་པ་འདི།། སྤང་སྡུད་ཞེན་པའི་རྟོག་པ་དང་།། བག་ཆགས་ཉོན
21b6 མོངས་འཁོར་བ་སྟེ།། དེ་བྲལ་ཆོས་སྐུའི་ཐིག་ལེ་ཡིན།། དེ་ཡང་རྡོ་རྗེ་སེམས་དཔའ་ཉོན།། སྤང་བའི་རྟོག་ལ་སྐྱེས་པའི་ཆེ།། འདུ་བྱེད་ལྔ་བཅུ་སྐར་ཕྲན་འདྲ།། ཚོགས་བརྒྱད་སྐྱེ་འགག་ཟླ་བ་འདྲ།། ཀུན་གཞི་ནམ
iiif viewer powered by OpenSeadragon
