| e-texts navigator |
| Wylie |
21a1 བསྐྱེད་མི་དགོས།། མ་སྐྱེས་ཆོས་སྐུ་ཡེ་ནས་ཡིན།། དེ་ཡང་འདུས་པའི་སྙིང་པོ་ཉོན།། ཚིག་ཟིན་ལུང་གི་འཁྲུལ་ཚུལ་དེ།། ཚིག་ཙམ་ལུང་ལ་ཁུངས་མེད་བཞིས།། དགོངས་པ་རྣམ་གསུམ་མ་ཤེས
21a2 འཁྲུལ།། ཚིག་ཙམ་ལུང་གིས་དོན་མ་རྟོགས།། དོན་མེད་ཚིག་ནི་འདི་དག་གིས།། ལུང་མེད་དོན་གོ་ཡེ་སངས་རྒྱས།། དེ་ཡང་འདུས་པའི་སྙིང་པོ་ཉོན།། དེ་དག་འཁྲུལ་པ་རྣམ་བཞི་ཡང་།། སྤྱི་ཡི་མཚན་ཉིད་ཡིན་པའི
21a3 ཕྱིར།། གཞི་དང་འགལ་ཕྱིར་དོན་ལས་གོལ།། དེ་ཕྱིར་ལུང་བསྟན་གདམས་ངག་དགོས།། རྫོགས་པ་ཆེན་པོ་ངེས་དོན་ཐམས་ཅད་འདུས་པ་ཡེ་ཤེས་ནམ་མཁའ་དང་མཉམ་པའི་རྒྱུད་ལས། རྫོགས་ཆེན་སྤྱིའི་འཁྲུལ
21a4 ཚུལ་བསྟན་པའི་ལེའུ་སྟེ་བཅུ་གསུམ་པའོ།། །། སྡོམ་དུ་བསྡུས་ཏེ་བསྟན་པ་ལས་གསུམ་པའོ།། །། དེ་ནས་རྡོ་རྗེ་སེམས་དཔའ་ཡིས།། འདུས་པའི་འཁོར་གྱི་དོན་ཆེད་དུ།། ཀུན་རིག་རང་བྱུང་སྟོན་པ
21a5 ལ།། དད་པའི་ཡིད་ཀྱིས་འདི་སྐད་གསོལ།། ཕྱི་ཡི་རྫོགས་པ་ཆེན་པོ་ཨ་ཏི་ཡི།། ཆོས་རྣམ་སེམས་སུ་ཇི་ལྟར་འདུས།། མུན་པའི་སེམས་ཀྱིས་ཇི་ལྟར་བསྒྲིབས།། སེམས་འདོད་ལྟ་བ་ཇི་ལྟར་གོལ།། རང་སེམས་ངེས
21a6 དོན་ཇི་ལྟར་མིན།། སེམས་ངན་དཔེ་ཡིས་དབྱེ་བ་གང་།། ཚོགས་བརྒྱད་སྐྱོན་དུ་ཇི་ལྟར་ཆེ།། ཀུན་རིག་སྟོན་པས་བཤད་དུ་གསོལ།། དེ་སྐད་ཞུས་པས་དོན་གསན་ནས།། འདུས་པའི་འཁོར་ལ་བཀའ་སྩལ་པ།། སེམས
iiif viewer powered by OpenSeadragon
