| e-texts navigator |
| Wylie |
20a1 ནི།། བསྙེན་བསྒྲུབ་ཚད་དུ་བྱས་པ་ཡིས།། སྐུ་གསུམ་ཡེ་ཤེས་ལྷུན་གྲུབ་འདོད།། དེ་ཕྱིར་ཡེ་ཤེས་བསྲེས་པས་ནོར།། རྩོལ་བསྒྲུབ་ཡོད་ཕྱིར་དོན་དང་འགལ།། ད་ཡང་རྡོ་རྗེ་སེམས་དཔའ་ཉོན།། ཨ་ནུ་ཡོ
20a2 གའི་འདོད་པ་དེ།། ཀུན་གཞི་མཁའ་ཀློང་གཞི་བྱས་ཏེ།། སྣང་བ་ཀུན་བཟང་རོལ་བར་འཁྲུལ།། ཡོད་མིན་མེད་མིན་སྐྱེ་མཆེད་དང་།། མཁའ་ཀློང་དབུ་མ་ཆད་དང་འདྲ།། ལ་བཟླ་ཆོས་ཀྱི་དབྱིངས་ཉིད་ཡིན།། དེ་ཡང
20a3 འདུས་པའི་སྙིང་པོ་ཉོན།། ཕྱི་ནང་ཆོས་རྣམས་མ་ལུས་ཀུན།། ཡིད་དང་ཀུན་གཞི་གཉིས་འདུས་པས།། ཡང་དག་བདེ་ཆེན་ཐུགས་ཀྱི་སྲས།། ཕྱི་ནང་ཆོས་ཀུན་མཉམ་པ་ཉིད།། དྲན་པ་ཙམ་གྱིས་ལྷར་གསལ་གྱིས།།
20a4 ང་འཇོག་ཆེད་བྱ་རྩོལ་བ་ཡོད།། དེ་ཕྱིར་ཀུན་ཏུ་བཟང་པོ་ཡི།། ཀུན་གཞི་མཁའ་ཀློང་རྣམ་དག་ཏུ།། རྣམ་རྟོག་མཚན་མ་གང་སྤྱོད་ཀྱང་།། ནམ་མཁའ་གཟའ་སྐར་བཙལ་མེད་བཞིན།། ཀུན་བཟང་བདེ་ཆེན་ཐབས་ཀྱི
20a5 གཙོ།། ཀུན་ཏུ་བཟང་མོ་གཉིས་མེད་མཁར།། འདུ་འབྲལ་མེད་པ་ཆོས་ཀྱི་སྐུ།། བདེ་ཆེན་གཉིས་མེད་རིག་པའི་རྩལ།། ངེས་པའི་གསང་སྒོ་མ་ཤེས་པས།། ཀུན་བཟང་སྤྱོད་པའི་དོན་མི་རྟོགས།། ཉི་མ་སྤྲིན་གྱིས་སྒྲིབ
20a6 པ་འདྲ།། དེ་ཡང་འདུས་པའི་སྙིང་པོ་ཉོན།། སེམས་ཉིད་རྩོལ་བ་མེད་པ་ལ།། བསམ་པའི་དབང་གིས་བསྐུར་བྱས་པས།། འཁོར་བ་རྒྱ་མཚོར་གཡེང་གྱུར་ཏེ།། མི་ཤེས་པ་ལ་དེ་ལྟར་སྣང་།། རྫོགས་པ་ཆེན་པོ་ངེས་དོན
iiif viewer powered by OpenSeadragon
