| e-texts navigator |
| Wylie |
1b1 རྒྱ་གར་སྐད་དུ། མ་ཧཱ་སནྣི་ནི་ཡཱ་མཱརྠ་སརྦ་ས་མུ་དཱ་ཡ། ཛྙཱ་ན་ག་ག་ན་ས་མཱ་ན་ཏནྟ། དྲྀཥྚི་བྷ་བ་ན་སརྦ་གརྦྷ། རཏྣ་བྱཱ་ཧ་ནཱ་མ། བོད་སྐད་དུ། རྫོགས་པ་ཆེན་པོ་ངེས་དོན
1b2 ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད། ལྷ་བསྒོམ་ཐམས་ཅད་ཀྱི་སྙིང་པོ། རིན་པོ་ཆེ་རྣམ་པར་བཀོད་པ་ཞེས་བྱ་བ། བཅོམ་ལྡན་འདས་མཉམ་པ་ཉིད་ཀྱི་རྒྱལ
1b3 པོ་རང་བྱུང་རིག་པའི་ཡེ་ཤེས། རྟོགས་པའི་དོན་དང་ལྡན་པ། དཔལ་གྱི་དཔལ་གྱུར་ཀུན་ཏུ་བཟང་པོ་ལ་ཕྱག་འཚལ་ལོ།། འདི་སྐད་གསུངས་པའི་དུས་གཅིག་ན། ཀུན་རིགས་སེམས་ཀྱི
1b4 རྒྱལ་པོ་དེ།། འོག་མིན་ཆོས་ཀྱི་དབྱིངས་གནས་ན།། ངེས་པའི་དོན་ལ་རབ་བཞུགས་ཏེ།། རྡོ་རྗེ་སེམས་དཔའ་ལ་སོགས་པའི།། འཁོར་རྣམས་འདུས་ནས་རབ་ཏུ་འཁོད།། དེ་ཚེ་རྡོ་རྗེ
iiif viewer powered by OpenSeadragon
