| e-texts navigator |
| Wylie |
195a1 བསྟན་པ་འབྱུང་།། དེ་ཚེ་སྣོད་ལྡན་འབྱུང་སྲིད་ན།། ཡང་དག་ངེས་དོན་རྒྱུད་འདི་གཏད།། དེ་ལྟར་མ་བྱས་ངེས་དོན་འདི།། ནོར་འདོད་ཕྱིར་ནི་འདི་བསྟན་ན།། སངས་རྒྱས་བཀའ་ཆད་འབྱུང་ངེས་ཏེ།།
195a2 མཁའ་འགྲོ་ཆོས་སྐྱོང་དགྲར་ལངས་ནས།། སྲིན་པོས་སྲོག་བཅད་མནར་མེད་ལྟུང་།། དེ་ཡང་འཁོར་རྣམས་ཡང་ཉོན་ཅིག། གལ་ཏེ་ཟས་ནོར་ཕངས་མེད་པ།། ཡིད་འཐད་འབུལ་ན་ངེས་དོན་འདི།། གཞན་ལ་མི་སྤེལ
195a3 མནའ་བོར་ལ།། སྐྲ་བསྐྱིལ་མེད་པར་ལྷུག་པར་བསྟན།། སྣོད་ལྡན་མ་ཕྲད་དུས་ཚེ་ན།། ཆོས་སྐྱོང་ཡོད་པའི་ལྷ་ཁང་ངམ།། ལྷ་འདྲེ་ཡོད་པའི་བྲག་དཀྱིལ་དུ།། སྨོན་ལམ་བཏབ་ནས་སྦས་ལ་བཞག། རྫོགས་པ་ཆེན་པོ
195a4 དོན་འདུས་རིག་པའི་གསུང་། རང་བྱུང་བདེ་བའི་འཁོར་ལོའི་རྒྱུད་ལས། རྒྱུད་གཏད་པའི་ལེའུ་སྟེ་སུམ་ཅུ་སོ་གསུམ་པའོ།། །། བི་མ་ལ་དང་གཉིགས་ཛྙཱ་ནས་བསྒྱུར་བའོ།། །།
iiif viewer powered by OpenSeadragon
194b -
