| e-texts navigator |
| Wylie |
194b1 བདེ་ལ་ཞེན།། ལྷ་ཆེན་སྒོར་ལྟུང་འཁོར་བར་འཁྱམས།། མ་རྟོགས་ང་དང་བདག་འཛིན་པས།། གསང་སྔགས་ལྷ་སྤྱོད་ཡིན་ཟེར་ནས།། སེམས་ཅན་སྲོག་ལ་བརྩེ་མེད་གཅོད།། མུ་སྟེགས་རྟག་ཆད་སྒོར་ལྟུང་འཁྱམས།།
194b2 ད་ཡང་འདུས་པའི་སྙིང་པོ་ཉོན།། མ་རྟོགས་དབང་གིས་རྩིང་སྤྱོད་པ།། ལུས་ངན་འདི་ཡིས་ལེན་པའི་ཕྱིར།། ལས་ངན་དགུ་པོ་གང་སྤྱད་ཀྱང་།། དམྱལ་བར་ངེས་འགྲོ་གཏན་དུ་འཁྱམས།། རྫོགས་པ་ཆེན་པོ་དོན་འདུས
194b3 རིག་པའི་གསུང་། རང་བྱུང་བདེ་བའི་འཁོར་ལོའི་རྒྱུད་ལས། མ་རྟོགས་པའི་ལྟུང་སྒོ་བསྟན་པའི་ལེའུ་སྟེ་སོ་གཉིས་པའོ།། །། དེ་ནས་འདུས་པའི་འཁོར་རྣམས་ལ།། ཀུན་རིག་རྒྱལ་པོས་དོན་གཏད་པ།། ཐེག
194b4 པའི་རྒྱལ་པོ་ལྷུན་རྫོགས་འདི།། དད་ལྡན་འཁོར་རྣམས་ཁྱེད་ཀྱིས་ཀྱང་།། རྒྱུད་འདི་ཡིད་ལ་བརྣགས་ཤིང་བཅང་བར་གྱིས།། ཡང་དག་ངེས་པའི་རྒྱུད་ཆེན་འདི།། དང་མེད་སྣང་འཚོང་ཉམས་པ་ལ།། འདི་སྤེལ་སློབ
194b5 དཔོན་བསྒྲལ་བའི་གནས།། འདི་ལ་ཡིད་ཏུ་མི་འོང་རྐྱེན་རྣམས་འབྱུང་།། དེ་ཡང་རྡོ་རྗེ་སེམས་དཔའ་ཉོན།། སྣོད་དང་མི་ལྡན་མི་ངན་ནི།། ཚུལ་འཆོས་བྱེད་ཅིང་སློབ་དཔོན་སྨོད།། ནོར་ཕོངས་ཆོས་འདོད་ཐབས་ཀྱིས
194b6 འབྲུ།། དེ་ལྟའི་སྣོད་ངན་གང་ཟག་ལ།། ཡེ་ཤེས་ལྟ་བའི་རྒྱུད་ཆེན་འདི།། ནམ་ཡང་བསྟན་པར་མ་གསུངས་སོ།། ད་ཡང་འདུས་པའི་སྙིང་པོ་ཉོན།། བསྟན་པ་འཇིག་པའི་དུས་འདིར་ནི།། རྫོགས་པ་ཆེན་པོའི
iiif viewer powered by OpenSeadragon
