| e-texts navigator |
| Wylie |
193b1 སྡུག་བསྔལ་རྒྱུ་ལས་ཕན་མི་ནུས།། མ་རྟོགས་ཆོས་སྐུ་དེ་བཞིན་ནོ།། རྫོགས་པ་ཆེན་པོ་དོན་འདུས་རིག་པའི་གསུང་། རང་བྱུང་བདེ་བའི་འཁོར་ལོའི་རྒྱུད་ལས། མ་རྟོགས་པ་འཁྱམས་པའི་ལེའུ་སྟེ་སུམ་ཅུ་པའོ།། །
193b2 ཀུན་རིག་སྟོན་པས་བཀའ་སྩལ་པ།། འཁོར་འདས་གཉིས་ཀྱི་བར་དོ་ཡི།། ཐོག་མཐའ་གཅོད་པའི་དོན་མེད་ན།། ས་མཁན་མེད་པའི་ཚོང་པ་བཞིན།། སྐྱེ་ཤིའི་སྡུག་བསྔལ་ལས་མི་ཐར།། སྐྱེ་ཤི་གཉིས་ཀྱི་བར་དོ་རུ།།
193b3 ཆོས་སྐུ་ངོ་སྤྱོད་དོན་མེད་ན།། སྒྲོན་མེ་མེད་པའི་མུན་པ་བཞིན།། མ་རིག་པ་ལ་སངས་དུས་མེད།། ད་ཡང་རྡོ་རྗེ་སེམས་དཔའ་ཉོན།། དུས་བཞི་མཉམ་པར་སྦྱོར་བ་ཡི།། རྒྱུན་དུ་འབྲལ་མེད་དོན་མེད་ན།། ཆུ་བྲན་ཐན
193b4 པས་བསྐམས་པ་བཞིན།། ལྟ་བ་སྒོམ་པའི་རྐྱེན་མི་ཐུབ།། སྲིད་པ་དག་གི་བར་དོ་ནི།། སངས་རྒྱས་དུས་ཀྱི་དོན་མེད་ན།། རིན་ཆེན་འདམ་དུ་སྟོར་བ་འདྲ།། འབྲས་བུ་མི་འབྱུང་མངལ་དུ་འཇུག། དེ་ཡང་འདུས་པའི
193b5 སྙིང་པོ་ཉོན།། ཐེག་པ་གཞན་དང་རྩོད་དུས་སུ།། གལ་མདོ་ངེས་པའི་དོན་མེད་ན།། གོ་མཚོན་མེད་པའི་དཔའ་བོ་བཞིན།། མན་ངག་ཟབ་མོའི་ཁྱད་མི་ཐོན།། དེ་ཕྱིར་གོལ་ས་དེ་དག་གིས།། རང་སེམས་སྙིང་པོ་མ
193b6 རྟོགས་ཕྱིར།། གདམས་ངག་མེད་ཕྱིར་འཁོར་བའི་སྐྱོན།། བསྐལ་པར་བགྲངས་ཀྱང་དེ་མི་ཐོབ།། རྫོགས་པ་ཆེན་པོ་དོན་འདུས་རིག་པའི་གསུང་། རང་བྱུང་བདེ་བའི་འཁོར་ལོའི་རྒྱུད་ལས། གདམས་ངག་མེད་པའི
iiif viewer powered by OpenSeadragon
