| e-texts navigator |
| Wylie |
193a1 བདེ་བའི་འཁོར་ལོའི་རྒྱུད་ལས། སངས་རྒྱས་ཀྱི་མཛད་སྤྱོད་བསྟན་པའི་ལེའུ་སྟེ་ཉེར་དགུ་པའོ།། །། རྡོ་རྗེ་སེམས་དཔས་ཡང་ཞུས་པ།། མ་རྟོགས་འཁོར་བར་འཁྱམས་པ་དང་།། གདམས་ངག
193a2 མེད་པའི་སྐྱོན་ནི་གང་།། དེ་ཡི་ལྟུང་སྒྲོ་གང་དུ་ལྷུང་།། ཀུན་རིག་སྟོན་པས་བཤད་དུ་གསོལ།། དེ་སྐད་ཞུས་པས་དོན་གསན་ནས།། འཁོར་གྱི་ཚོགས་ལ་བཀའ་སྩལ་པ།། རྒྱུད་ལུང་མན་ངག་ཆོས་རྣམས་ཀུན།། སྣང
193a3 བ་བཞི་རུ་བློ་བྱས་ནས།། སྒོ་སྐུར་གཉིས་ལ་ཞེན་པའི་ཕྱིར།། བྱས་པའི་དོན་མེད་སྡུག་བསྔལ་སྣོན།། ད་ཡང་རྡོ་རྗེ་སེམས་དཔའ་ཉོན།། དཔེར་ན་བྱ་སྒོ་རླུང་ཁྱེར་ལྟར།། ངེས་མེད་གཞི་ལ་བློ་གཏད་ནས།། མ་རྟོགས
193a4 རྩོལ་བསྒྲུབ་ཅི་སྤྱད་ཀྱང་།། མི་གྲལ་དུག་ལྔ་རྒྱས་པར་འགྱུར།། དམུས་ལོང་བྱང་ཐང་འཁོར་བ་བཞིན།། ངེས་དོན་མ་རྟོགས་ཅི་བསྒོམས་ཀྱང་།། ཤེས་རབ་མིག་མེད་བག་ཆགས་བརྟས།། གོལ་ས་མི་ཆོད་ནོར་བའི
193a5 ལམ།། དེ་ཡང་འདུས་པའི་སྙིང་པོ་ཉོན།། དཔེར་ན་འདབ་ཆགས་གཤོག་ཆག་ལྟར།། ལྟ་སྤྱོད་གཅིག་ཏུ་མ་ཤེས་པས།། རེས་འཇོག་བླང་དོར་བློས་བྱས་ཕྱིར།། མ་རྟོགས་ཆོས་སྤྱོད་ལས་རྣམས་འཁྲུགས།། ས་བོན་མ
193a6 བཏབ་སོ་ནམ་བཞིན།། ངེས་དོན་མ་རྟོགས་ཆོས་སྤྱོད་ཀྱང་།། འབྲས་བུ་མེད་ཅིང་རང་བརླག་ནས།། མནར་མེད་འཁོར་བའི་རྒྱ་མཚོར་ལྟུང་།། དེ་ཕྱིར་མན་ངག་མེད་པའི་ཆོས།། ལུས་ངག་ལས་སུ་སྤྱད་གྱུར་ཀྱང་།།
iiif viewer powered by OpenSeadragon
