| e-texts navigator |
| Wylie |
192b1 ཐུགས།། ཐམས་ཅད་མཁྱེན་པའི་རིག་པ་གསལ།། སངས་རྒྱས་ཀུན་གྱི་ཐུགས་སུ་བཤད།། རང་བྱུང་མིག་གིས་ཐམས་ཅད་གསལ།། ཡེ་ཤེས་སྤྱན་གཅིག་དྲི་མ་མེད།། མཐོང་ལ་མི་རྟོག་དུས་མཉམ་ཕྱིར།། ཆོས་ཀྱི་སྐུ
192b2 ཡི་སྤྱན་ཞེས་བྱ།། དེ་ཡང་རྡོ་རྗེ་སེམས་དཔའ་ཉོན།། མཉམ་ཉིད་མི་གཡོ་རང་བྱུང་སྙན།། དངོས་མེད་སྒྲ་ཐོས་རྗེས་འབྲང་བྲལ།། དེ་ཐོས་ཆོས་ཉིད་རང་བྱུང་སྒྲ།། དེ་ཡང་འགྱུར་མེད་ཡེ་ཤེས་སྙན།། གདངས་གསལ
192b3 འགྱུར་མེད་ཉམས་ཀྱི་དྲི།། རྟོག་མེད་ཚོར་བ་བྱང་ཆུབ་སྐུ།། ཡེ་ཤེས་སྣ་ཡིས་དྲི་མཆོག་ཚོར།། དེ་ལ་ཞེན་མེད་སངས་རྒྱས་ཤངས།། དེ་ཡང་རྡོ་རྗེ་སེམས་དཔའ་ཉོན།། ཆོས་སྐུ་རོ་མཆོག་ཉམས་སུ་བསྟར།། སྒྲ་མེད་བདེ
192b4 གསལ་སངས་རྒྱས་ལྗགས།། ཡེ་ཤེས་ལྗགས་ཀྱིས་རང་རིག་མྱོང་།། དེ་དོན་དགོངས་པར་རང་བྱུང་སྐུ།། དེ་ཡང་འདུས་པའི་སྙིང་པོ་ཉོན།། དངོས་མེད་རིགས་གསལ་ཡེ་ཤེས་ལུས།། ཡེ་ཤེས་སྐུ་ལ་སྐྱེ་ཤི་མེད།། དེ་དོན
192b5 མི་འགྱུར་ཡོན་ཏན་རྫོགས།། དེ་ཕྱིར་སངས་རྒྱས་ཆོས་ཀྱི་སྐུ།། དེ་ལྡན་སྐད་གཅིག་དུས་དེ་རུ།། གཟའ་སྐར་གཟུགས་བརྙན་རྒྱ་མཚོ་བཞིན།། དུས་གཅིག་འཛམ་གླིང་ཕྲག་བརྒྱ་རུ།། འགྲོ་དོན་གཟུགས་སྐུ་དུས་གཅིག
192b6 ཁྱབ།། ཅི་རིགས་པ་ཡིས་ཆོས་རྣམས་སྟོན།། དཔེ་ནི་སྤྲིན་མེད་ནམ་མཁའ་འདྲ།། རྟགས་ནི་སངས་རྒྱས་ཆོས་སྐུ་མཁྱེན།། དེ་ཡི་ཡོན་ཏན་བརྗོད་མི་ལང་།། རྫོགས་པ་ཆེན་པོ་དོན་འདུས་རིག་པའི་གསུང་། རང་བྱུང
iiif viewer powered by OpenSeadragon
