| e-texts navigator |
| Wylie |
192a1 ཐུམ་ཟུམ་བྱེད་པའི་ཚེ།། འདི་ཡི་སྣང་བ་ནུབ་ཀ་དང་།། ཕྱི་མའི་སྣང་བ་འཆར་ཀ་རུ།། རྣམ་ཤེས་སྣང་བ་སྐྱེས་པའི་ཚེ།། དུ་བ་སྨིག་རྒྱུ་ལྟ་བུར་མཐོང་།། འབྱུང་བ་དངོས་མེད་ཞིག་པ་སྙམ།། དེ་ཚེ་སྣང་བ
192a2 འདི་ནུབ་ནས།། རང་སྣང་མཆེད་པ་སྲིན་བུ་མེ།། བག་ཙམ་གསལ་བའི་དོན་མཐོང་སྟེ།། སྣང་བ་ཐོབ་པའི་དུས་སུ་ནི།། མར་མེ་རྩེ་ལྟར་རྟག་པ་དཀའ།། དེ་ནས་ཡེ་ཤེས་བརྟན་པའི་དུས།། ནམ་ལངས་ཉི་མ་ཤར་བ
192a3 ལྟར།། རང་རིག་ཆོས་སྐུར་ཝལ་གྱིས་གསལ།། ཡུལ་མེད་རིག་པ་རང་བྱུང་ཐུགས།། ས་ཟིན་ངེས་པའི་ཡེ་ཤེས་དེ།། སྔར་གོམས་དབང་གིས་འགྱུར་བ་མེད།། དཔེར་ན་ཁབས་ལེན་ལྕགས་འདུ་བཞིན།། རང་རིག་ཆོས
192a4 སྐུ་ངོས་ཟིན་པས།། སངས་རྒྱས་ཡོན་ཏན་ཐམས་ཅད་འདུས།། དེ་ཡང་རྡོ་རྗེ་སེམས་དཔའ་ཉོན།། རང་བྱུང་རང་རིག་ཡེ་ཤེས་ནི།། སང་ངེ་སལ་ལེ་ཡེ་རེར་གསལ།། དེ་ཕྱིར་རང་བྱུང་ཡེ་ཤེས་སྐུ།། ཕྱིས་ནི་བར་དོར
192a5 ལུས་མི་ལེན།། ཡུལ་ལ་མི་འཇུག་ཆགས་སྡང་མེད།། མངལ་དུ་འཇུག་པ་མེད་པའི་ཕྱིར།། སངས་རྒྱས་ཞེས་ནི་དེ་ལ་བྱ།། རྫོགས་པ་ཆེན་པོ་དོན་འདུས་རིག་པའི་གསུང་། རང་བྱུང་བདེ་བའི་འཁོར་ལོའི་རྒྱུད་ལས།།
192a6 སངས་རྒྱས་པའི་དུས་བསྟན་པའི་ལེའུ་སྟེ་ཉེར་བརྒྱད་པའོ།། །། སྟོན་པས་འཁོར་ལ་ཡང་གསུངས་པ།། སངས་རྒྱས་ཆོས་སྐུའི་མཛད་སྤྱོད་ཀྱང་།། ཡེ་ཤེས་ལུས་ཅན་ཆོས་སྐུ་ནི།། རྟོག་མེད་རང་བྱུང་ཡེ་ཤེས
iiif viewer powered by OpenSeadragon
