| e-texts navigator |
| Wylie |
191b1 པའི་རྟོག་པ་སངས།། རང་རིག་སྒྲིབ་མེད་ཡེ་ཤེས་རྒྱས།། དེ་ཡིས་དེ་ཉིད་མཚོན་པའི་དཔེ།། མར་མེ་རླུང་གིས་མ་བསྐྱོད་དང་།། སྤྲིན་མེད་ཉི་མ་རང་གསལ་དང་།། མི་གཡོ་རྒྱ་མཚོ་དངས་པ་འདྲ།། འབྲས་བུ་ཡེ་ཤེས
191b2 དེ་ཉིད་ནི།། ལྟ་བ་གདེང་ལྡན་ཡིད་ཆེས་པའི།། རང་རིག་ཡེ་ཤེས་ཉམས་ཤར་བས།། འཁོར་བར་ལྟུང་མེད་འབྲས་བུའི་མཆོག། ད་ཡང་འདུས་པའི་སྙིང་པོ་ཉོན།། འབྲས་བུ་མངོན་གྱུར་སངས་རྒྱས་ཏེ།། རང་རིག་ངོ་བོ
191b3 ཉིད་ཀྱི་སྐུ།། ཡེ་ཤེས་ཐུགས་ཀྱིས་ཐམས་ཅད་མཁྱེན།། ངེས་པའི་དོན་ལ་འགྱུར་བ་མེད།། ཡིད་ཆེས་ངེས་པའི་གཏན་ཚིག་ནི།། ལུས་དང་བྲལ་བའི་བར་དོ་ལ།། མ་རིག་སྒྲིབ་པ་ཐམས་ཅད་སངས།། རང་བྱུང་རིག
191b4 པའི་ཡེ་ཤེས་རྒྱས།། དེ་ཡིས་མཐུན་དཔེས་མཚོན་པ་ནི།། ཡིད་བཞིན་ནོར་བུ་རིན་པོ་ཆེ།། དགོས་འདོད་ཐམས་ཅད་འབྱུང་བ་དང་།། ཅི་བསམ་འགྲུབ་པའི་དཔེ་དང་འདྲ།། དེ་ཡི་འབྲས་བུ་ངེས་པ་ནི།། རང་རིག་ཆོས
191b5 སྐུ་ཡེ་ཤེས་ལ།། གཟུགས་སྐུ་རྣམ་གཉིས་དུས་གཅིག་འབྱུང་།། འགྲོ་དོན་མཛད་ཀྱང་སྐྱོན་མི་གོས།། རྫོགས་པ་ཆེན་པོ་དོན་འདུས་རིག་པའི་གསུང་། རང་བྱུང་བདེ་བའི་འཁོར་ལོའི་རྒྱུད་ལས། སངས་རྒྱས་རྣམ་པ
191b6 བཞིའི་དབྱེ་བ་བསྟན་པའི་ལེའུ་སྟེ་ཉེར་བདུན་པའོ།། །། ཀུན་རིག་སྟོན་པས་བཀའ་སྩལ་པ།། རྣལ་འབྱོར་རྟོགས་པའི་གདེང་ལྡན་པས།། ཚེ་ཡི་ཐ་མ་འཆི་བའི་དུས།། ས་ཆུ་མེ་རླུང་རིམ་ཐིམ་སྟེ།། དབུགས་ནི
iiif viewer powered by OpenSeadragon
