| e-texts navigator |
| Wylie |
191a1 རྟག་ཆད་བྲལ་ཀྱང་ངོ་མ་ཤེས།། འཁོར་འདས་གཉིས་ཀ་སེམས་ལ་རྫོགས།། དེ་ཡིས་དེ་ཉིད་མཚོན་པའི་དཔེ།། ཏིལ་ལ་མར་གྱིས་ཁྱབ་པ་ལྟར།། ནམ་མཁའ་ཨ་དང་རྡོ་རྗེ་ཡིས།། ཕྱོགས་འགའ་འདྲ
191a2 བའི་དཔེ་ཡིས་མཚོན།། འབྲས་བུ་རང་ལ་ཡོད་པའི་ཕྱིར།། རྒྱུ་རྐྱེན་གཞན་ལ་རག་མ་ལུས།། དེ་ཕྱིར་རང་བྱུང་ཀུན་ཁྱབ་དེས།། གཞན་དོན་བྱས་ཟིན་བཙལ་མི་དགོས།། དེ་ཡང་འདུས་པའི་སྙིང་པོ་ཉོན།། རྟོགས་པ
191a3 སྐད་ཅིག་སངས་རྒྱས་དེ།། ངོ་བོ་ཀུན་གཞི་གཞི་ཆ་ལ།། ལུང་ལྡན་བླ་མས་དོན་བསྟན་པས།། མ་རིག་སངས་ནས་རིག་པ་རྒྱས།། དེ་ཡི་ཆེད་དུ་གཏན་ཚིགས་ནི།། འཁོར་འདས་བྱུང་བའི་གློ་བུར་དེས།། གཞི་ལ་མེད
191a4 པས་རང་ཡིད་ཆེས།། དེ་ཕྱིར་རྩོལ་བའི་ནད་དང་བྲལ།། དེ་ཡི་དེ་ཉིད་མཚོན་པའི་དཔེ།། མུན་ཁང་སྒྲོན་མ་བཏེགས་པ་དང་།། ནམ་ལངས་ཉི་མ་ཤར་བ་དང་།། ལོང་བས་རིན་ཆེན་རྙེད་པ་འདྲ།། དེ་ཡི་འབྲས་བུ་ངེས
191a5 པ་ནི།། བག་ཆགས་ཉོན་མོངས་ཟིལ་གྱིས་མནན།། ཡུལ་མེད་རང་རིག་ཆོས་སྐུར་ལྡན།། དེ་ལ་ཡིད་ཆེས་འབྲས་བུ་མཆོག། དེ་ཡང་རྡོ་རྗེ་སེམས་དཔའ་ཉོན།། ལམ་ལ་གནས་པའི་སངས་རྒྱས་དེ།། ངོ་བོ་ལྟ་བ་གཞི
191a6 ངེས་ཕྱིར།། རྒྱུན་དུ་འབྲལ་མེད་ལྷག་མཐོང་གསལ།། ཡེ་ཤེས་ངོས་འཛིན་ཡེངས་པ་མེད།། དེ་ཕྱིར་ལམ་ཆེན་ཆོས་སྐུའི་ཀློང་།། དེ་ཡི་ཡིད་ཆེས་གཏན་ཚིག་ནི།། ཉོན་མོངས་མི་འབྱུང་བག་ཆགས་བྲལ།། སྤང་སྡུད་ཞེན
iiif viewer powered by OpenSeadragon
