| e-texts navigator |
| Wylie |
18b1 ནས།། ཕ་རོལ་ཕྱིན་བཅུ་ལམ་ལྔ་ལ།། སེམས་བསྐྱེད་གཞན་དོན་ཆེད་དུ་བྱེད།། བདག་གཞན་སྒྱུ་མ་ཙམ་དུ་འཛིན།། འབྲས་བུ་ངེས་པར་འདོད་པ་ནི།། ཀུན་རྫོབ་སྒྲིབ་སྦྱངས་དོན་དམ་གྱིས།། བདེན་པ་མཐོང་བ་ཆེད
18b2 དུ་བྱེད།། གཅིག་པོར་ནས་ནི་གཅིག་འཚོལ་བ།། ཆུ་བཞག་ཟླ་བ་ངོས་འཛིན་འདྲ།། དེ་ཡང་འདུས་པའི་སྙིང་པོ་ཉོན།། ཐམས་ཅད་རྩ་བ་གཅིག་པའི་ཕྱིར།། རང་རིག་སེམས་ཀྱི་སྙིང་པོའི་དོན།། ཟབ་ལ་རྒྱ་ཆེ་མི་ཤེས
18b3 པར།། བསམ་མེད་དག་ཏུ་གང་འཇོག་པའི།། བྱིས་པ་དེ་ནི་བླུན་པ་སྟེ།། མུན་པའི་སྐྱེ་མཆེད་ཉིད་དུ་ལྟུང་།། རྫོགས་པ་ཆེན་པོ་ངེས་དོན་ཐམས་ཅད་འདུས་པ་ཡེ་ཤེས་ནམ་མཁའ་དང་མཉམ་པའི་རྒྱུད་ལས། རྒྱུ་མཚན
18b4 ཉིད་ཀྱི་ལྟ་བ་བསྟན་པའི་ལེའུ་སྟེ་བཅུ་པའོ།། །། དེ་ནས་འདུས་པའི་འཁོར་རྣམས་ལ།། ཀུན་རིག་སྟོན་པས་བཀའ་སྩལ་པ།། ཕྱི་པ་ཀྲི་ཡོག་རྣམ་གསུམ་ནི།། ནམ་མཁའ་སྨིག་རྒྱུའི་དཔེ་བཞིན་དུ།། དག་པ་ཆོས
18b5 ཉིད་ཀྲི་ཡའི་གཞི།། བཟང་ངན་གཙང་སྦྲས་དངོས་གྲུབ་རེ།། གྲུབ་པ་མི་ཐོབ་བྱོལ་སོང་རྒྱུ།། གཙང་སྦྲས་མི་གྲོལ་རྟོག་པ་ཉིད།། སྤྱོད་པ་མ་ཡེངས་གཞི་དག་སྐུ།། དེ་ཡང་རྡོ་རྗེ་སེམས་དཔའ་ཉོན།། ཡུལ་མེད་རིག་པ
18b6 རང་གསལ་གྱིས།། ཆོས་ཉིད་སྟོང་པའི་ངང་ལས་ནི།། དག་པ་བཞི་ཡི་སྒོར་ཞུགས་ནས།། མ་ཉམས་མ་སྨེ་གཙང་སྦྲ་བཅས།། ཡོ་བྱད་ཕྱི་ལ་གཙོར་མཛད་ཅིང་།། བདག་དང་ཡེ་ཤེས་རྗེ་འབངས་ཚུལ།། ཀུན་རྫོབ་ལྷ་ཡི
iiif viewer powered by OpenSeadragon
