| e-texts navigator |
| Wylie |
188b1 བག་ལ་ཉལ་བའི་མ་རིག་པས།། རང་རིག་ཡེ་ཤེས་མ་རིག་ཕྱིར།། ལྟ་མེད་ཞེན་པས་རང་བསླུས་ལྟུང་།། དེ་ཡང་འདུས་པའི་སྙིང་པོ་ཉོན།། དོན་མེད་བསྒོམ་པས་གང་ཟག་ཀུན།། གདེང་མེད་ཚུལ་འཆོས་གསོག་ཅན
188b2 ཏེ།། ཁ་འཇམ་དོན་འཁྲིའི་བདུད་ཞུགས་ཏེ།། གཞན་དག་བྲིད་ཕྱིར་དགེ་བར་བརྩོན།། མན་ངག་མེད་པས་གསང་བ་སྐད།། རང་ཉིད་སླུ་བའི་བདུད་བསླུས་ལྷུང་།། ཕྱི་མར་ཡི་དྭགས་ལྟོ་ཕྱིར་སྐྱེས།། ད་ཡང་འདུས་པའི
188b3 སྙིང་པོ་ཉོན།། ལྷ་མེད་ཐབས་ཀྱི་རྣལ་འབྱོར་པས།། དབང་གསུམ་པ་ཡི་བདེ་བ་ལ།། དགའ་བ་བཞི་ལ་ཞེན་པ་ཡིས།། འདོད་ཆགས་སྲིད་པའི་བདུད་ཞུགས་ཏེ།། དེ་མེད་འབྲས་བུ་མི་དབང་བས།། འདོད་ཆགས་སྤྱད
188b4 ཀྱང་ཏིང་འཛིན་འཕེལ།། བྱི་ཤུག་ཕོ་མོ་ཀུན་བསོགས་ཏེ།། ཆགས་པའི་བདུད་ཀྱི་རང་བསླུས་ལྟུང་།། ད་ཡང་རྡོ་རྗེ་སེམས་དཔའ་ཉོན།། ངེས་པའི་ལུང་ལྡན་རྣལ་འབྱོར་ལ།། མཉམ་དུ་རེ་ནས་འགྲན་པའི་ཕྱིར།། སྨད
188b5 སེམས་ཞེ་སྡང་བདུད་ཞུགས་ཏེ།། རང་ཉམས་ངན་པས་གཞན་དག་ལ།། གདམས་ངག་ཅན་ལ་སྐུར་པ་འདེབས།། རྣལ་འབྱོར་ལུང་ལྡན་གནོད་མི་ཚུགས།། དེ་ཕྱིར་དམ་ཉམས་རང་ཉིད་ལྟུང་།། ཕྱི་མར་ཚ་བའི་དམྱལ
188b6 བར་སྐྱེ།། དེ་ཡང་འདུས་པའི་སྙིང་པོ་ཉོན།། ངེས་པའི་དོན་ལྡན་རྣལ་འབྱོར་གྱིས།། ངེས་དོན་ཡང་དག་བཀའ་ལ་ནི།། གང་ཟག་སྨད་ཕྱིར་སྒྲོ་བཏགས་ཏེ།། མི་ཚིག་ཡིན་ཟེར་འཕྱར་ཁ་གཏོང་།། ང་རྒྱལ་བདུད་ནི་ཁོང
iiif viewer powered by OpenSeadragon
