| e-texts navigator |
| Wylie |
187a1 གཅེས།། ད་ཡང་འཁོར་གྱི་སྙིང་པོ་ཉོན།། གཅིག་པུར་མི་དགའ་འདུས་ལ་དགའ།། གཞན་གྱིས་རྐྱེན་བྱས་བདུད་ཞུགས་ཏེ།། ཏིང་འཛིན་བཏང་ནས་ཡིན་མིན་གྱི།། ཡུལ་ལ་ཞེན་པ་སྣ་ཚོགས་ཞེ་ན།། མི
187a2 རྟོག་མེད་པར་ཉོན་མོངས་འབྱུང་།། སྤང་སྡུད་ཞེན་པ་རང་རྒྱུད་བྱེད།། དེ་ཕྱིར་གཡེང་བའི་བདུད་ཀྱིས་བསླུས།། དེ་ཡང་འཁོར་གྱི་སྙིང་པོ་ཉོན།། ཡང་ཡང་གོམས་པར་མ་བྱས་པས།། འཕྲོ་བ་རྐུན་བུའི་བདུད་ཞུགས
187a3 ཏེ།། གང་ཡང་རུང་བའི་ཚིག་རེ་ཙམ།། ཡིད་ལ་བྱས་པས་མི་གཡོ་བྲལ།། ནན་ཏན་ཆུང་བས་ཉམས་མེད་ཕྱིར།། ལང་ཅན་རྐུན་བུ་ཡང་ཡང་ལྡང་།། ངེས་པའི་གདེང་དང་མི་ལྡན་པས།། འཕོ་བའི་བདུད་ཀྱིས་བསླུས
187a4 ཕྱིར་ལྟུང་།། དེ་ཡང་འཁོར་རྣམས་ལེགས་པར་སོམ།། བསྒོམ་པའི་བདུད་ནི་དེ་དག་ཀྱང་།། གདམས་ངག་མེད་པ་རྣམས་ལ་འབྱུང་།། ལུང་ལྡན་རྣམས་ལ་གནོད་མི་ཚུགས།། མ་རྟོགས་ཅི་བསྒོམ་བདུད་དུ་འགྱུར།།
187a5 རྫོགས་པ་ཆེན་པོ་དོན་འདུས་རིག་པའི་གསུང་། རང་བྱུང་བདེ་བའི་འཁོར་ལོའི་རྒྱུད་ལས། བསྒོམ་པ་ཉམས་ཀྱི་བདུད་བསྟན་པའི་ལེའུ་སྟེ་ཉི་ཤུ་རྩ་གཅིག་པའོ།། །། ད་ཡང་རྡོ་རྗེ་སེམས་དཔའ་ཉོན།། བྱ་བ
187a6 འདུ་འཛི་ལོངས་སྤྱོད་བདུད།། ཉམས་དགའ་ཞེན་པ་གནས་ཀྱི་བདུད།། བསླབ་པ་ཡོན་ཏན་གཡེང་བའི་བདུད།། སེམས་དཀྲུགས་འཁོར་ངན་བདུད་རྣམས་འབྱུང་།། ད་ཡང་འདུས་པའི་སྙིང་པོ་ཉོན།། དགོན་པར
iiif viewer powered by OpenSeadragon
