| e-texts navigator |
| Wylie |
186b1 ཐམས་ཅད་རྫུན།། བསླུ་བའི་བདུད་ཀྱིས་རང་བསླུས་ལྟུང་།། ད་ཡང་འདུས་པའི་སྙིང་པོ་ཉོན།། ལྟ་བའི་བདུད་ནི་དེ་དག་ཀྱང་།། ཡུལ་གྱི་གོལ་སར་མ་ཤེས་ཕྱིར།། སྣང་བ་གཟུགས་སོགས་ཞེན་པ་སྟེ།། ཡུལ་ལ་སེམས
186b2 ཞུགས་ཅི་སྤྱོད་བདུད།། རྫོགས་པ་ཆེན་པོ་དོན་འདུས་རིག་པའི་གསུང་། རང་བྱུང་བདེ་བའི་འཁོར་ལོའི་རྒྱུད་ལས། རྣལ་འབྱོར་ལྟ་བའི་བདུད་བསྟན་པའི་ལེའུ་སྟེ་ཉི་ཤུ་པའོ།། །། ད་ཡང་རྡོ་རྗེ་སེམས་དཔའ
186b3 ཉོན།། སྒོ་ལྔ་བྱིང་བ་གསལ་བའི་བདུད།། དྲན་མེད་རྨུགས་པ་བདེ་བའི་བདུད།། རྐྱེན་གྱིས་རྒོད་པ་མི་རྟོག་བདུད།། འཕྲོ་བ་མི་གཡོའི་བདུད་རྣམས་འབྱུང་།། དེ་ཡང་འདུས་པའི་སྙིང་པོ་ཉོན།། ཏིང་འཛིན་མྱུར་དུ
186b4 འགྲུབ་འདོད་ནས།། ཡུན་རིང་བསྒོམས་པས་ཚད་མ་ཟིན།། མྱོས་པའི་བདུད་ཞུགས་གསལ་བའི་ཕྱིར།། མ་རིག་དབང་གིས་གཉིད་དུ་སོང་།། གསལ་བ་བོར་ནས་བྱིང་པོར་སོང་།། དེ་ཉིད་བཙལ་བས་ཏིང་འཛིན
186b5 ཉམས།། མ་བཙལ་རྨི་ལམ་བཟང་ངན་བྱུང་།། དེ་ཕྱིར་བྱིང་བའི་བདུད་ཀྱིས་བསླུས།། དེ་ཡང་འདུས་པའི་སྙིང་པོ་ཉོན།། རང་རིག་ཆོས་སྐུར་མ་ཟིན་པས།། མ་རིག་དབང་གིས་ཡེ་ཤེས་བསྒྲིབས།། དྲན་པ་མེད་པའི
186b6 བདུད་ཞུགས་ཏེ།། ངང་བསྒོམ་རྨུགས་པས་བདེ་བ་ཉམས།། རང་རིག་མེད་པས་ཞི་གནས་བྱིང་།། ལྷག་མཐོང་མེད་པས་དོན་དང་བྲལ།། བསྒོམས་ཀྱང་དོན་མེད་བདུད་ཀྱིས་བསླུས།། དེ་ཕྱིར་ལུང་ལྡན་མན་ངག
iiif viewer powered by OpenSeadragon
