| e-texts navigator |
| Wylie |
185a1 དམིགས་ནས་གསལ་བར་བསྒྲུབ་མི་བྱ།། དཔེར་ན་ནམ་མཁའ་འདི་ཉིད་ལ།། སྤྲིན་དང་ཁུ་རླངས་ལ་སོགས་ནི།། ཇི་སྙེད་ཞིག་ནས་མེད་པ་ལྟར།། ཇི་བཞིན་ཉིད་དུ་རང་དྲན་པས།། དུས་མཉམ་བསལ
185a2 བས་ཡང་དག་སྟེ།། དེ་ལ་གཉེན་པོས་བཅོས་སུ་མེད།། ཐ་སྙད་དང་གསལ་བཅོས་པར་བཤད།། དེ་ཡང་འདུས་པའི་སྙིང་པོ་ཉོན།། ཡུལ་མེད་ཐིག་ལེ་རང་ཤར་བས།། ཡང་དག་དོན་ལ་མི་འཇིགས་ཕྱིར།། ངོ་བོ་ཉིད
185a3 དུ་གྱུར་པས་ན།། དོན་དུ་གཉེར་བ་གང་ཡང་མེད།། སྔ་ཕྱི་གཞན་དུ་གཡོས་མེད་ཕྱིར།། ཆེད་དུ་བསྒོམ་དུ་མེད་པ་སྟེ།། དམིགས་པ་གཏད་པའི་དོན་དང་བྲལ།། དོན་མི་གཉེར་བར་དགྲ་མེད་འདྲ།། དེ་ཡང་འདུས་པའི
185a4 ཡང་གསོལ་པ།། བཏང་བཞག་མེད་པའི་བསྒོམ་པ་ལ།། མི་མཐུན་མི་འབྱུང་གསུངས་པ་ཅི།། རྣལ་འབྱོར་རྩོལ་བྲལ་མ་ཡེངས་ན།། བྱར་མེད་འགག་མེད་གསུངས་པ་ཅི།། དེ་ཉིད་བཅིངས་པར་མི་འགྱུར་བའི།།
185a5 ཕྱོགས་བྲལ་བསྟན་པ་ཇི་ལྟར་ལགས།། ཀུན་རིག་སྟོན་པས་བཤད་དུ་གསོལ།། ཀུན་རིག་ཆོས་རྗེས་བཀའ་སྩལ་པ།། དུས་གསུམ་རྣམ་པ་ཐམས་ཅད་དུ།། སྐྱེ་ཤི་མེད་པར་ཡེ་ཤར་བས།། སྣང་མེད་ཞེན་རྟོག་ཐམས
185a6 ཅད་ཀྱང་།། གང་ཡང་ཆོས་སྐུར་གསལ་བ་ལ།། བཏང་བཞག་རྩོལ་སེམས་ཅི་ལ་འབྱུང་།། གཞན་དུ་མི་འགྱུར་ཀློང་གནས་པས།། མི་མཐུན་མཚན་མ་གང་ཡང་མེད།། ད་ཡང་རྡོ་རྗེ་སེམས་དཔའ་ཉོན།། དབྱིབས་དང
iiif viewer powered by OpenSeadragon
