| e-texts navigator |
| Wylie |
184b1 ན་གང་གིས་མི་ནུས་ཀྱང་།། ནམ་མཁའི་ཉི་མ་རང་གསལ་བཞིན།། རང་བྱུང་ངོ་བོ་ཡེ་ཤེས་ཀྱང་།། རང་རིག་ཡེ་ཤེས་བདེ་གསལ་བས།། སྣང་བས་ཕན་མེད་གནོད་མེད་ཕྱིར།། ཕྱོགས་ཀྱི་ཐ་སྙད་བཤད་ཅི་དགོས།། རྡོ
184b2 རྗེ་སེམས་དཔས་ཡང་གསོལ་པ།། མ་བསྒོམས་དོན་དང་འབྲལ་མེད་པའི།། དེ་དོན་རྟོགས་ཐབས་གང་གི་བགྱི།། མ་བསྒོམ་ཀློང་དུ་འགྱུར་བ་ཡིས།། རང་གིས་ཐ་སྙད་གང་ལ་གདགས།། དེ་དོན་བསྒོམ་དུ་མེད་པའི
184b3 ཕྱིར།། མཚན་མ་བྱུང་ན་བཅོས་མི་དགོས།། ལྟ་བ་རང་ཤར་ཆེན་པོ་ལ།། མ་བསྒོམ་གོལ་སར་ཅིས་མི་འགྱུར།། དེ་སྐད་ཞུས་པས་བཀའ་སྩལ་པ།། སྙིང་པོ་རང་གི་སྟོབས་དང་ནི།། མན་ངག་དགོངས་པའི་ཐུགས་བརྟོལ
184b4 ནས།། ཤེས་རྒྱུད་རྟོགས་པའི་བླ་མ་ཡིས།། ཇི་བཞིན་ཉིད་དུ་ཤར་བ་ལ།། སྣང་མེད་ཆོས་སྒྲ་ཉིད་མཚོན་པས།། མཚན་མའི་དངོས་པོ་མི་འབྱུང་ཕྱིར།། སྨན་དང་སྨན་པའི་ཐབས་བཞིན་དུ།། སེམས་མེད་མི་འདོད་ཅི
184b5 ཞིག་བྲལ།། དེ་ཡང་འདུས་པའི་སྙིང་པོ་ཉོན།། ཐིག་ལེ་ཆོས་སྐུས་ཁྱབ་པའི་ཕྱིར།། དེ་བཞིན་ཉིད་དུ་རང་ཤར་བས།། གང་ཡང་དམ་པར་མི་བལྟ་ན།། ཐམས་ཅད་ཇི་བཞིན་རང་སར་གྲོལ།། དེ་ཕྱིར་མཐའ་ལ་མི
184b6 གནས་པས།། བཏང་བཞག་མེད་པའི་ཏིང་འཛིན་གྱིས།། མ་བསྒོམས་ཀློང་དུ་གྱུར་པར་གནས།། ད་ཡང་འདུས་པའི་སྙིང་པོ་ཉོན།། བསྒོམ་དུ་མེད་པའི་ཆོས་ཉིད་ལས།། རྣམ་རྟོག་མཚན་མ་ཅི་བྱུང་ཡང་།།
iiif viewer powered by OpenSeadragon
