| e-texts navigator |
| Wylie |
184a1 མཉམ་པའི་རྒྱལ་པོས་བཤད་དུ་གསོལ།། དེ་སྐད་ཞུས་པས་དོན་གསན་ནས།། འདུས་པའི་འཁོར་ལ་བཀའ་སྩལ་པ།། དངོས་ཉིད་ལ་སོགས་ཆོས་རྣམས་ཀུན།། བྱ་བ་མེད་པར་རང་ཤར་གཅིག། ཡུལ
184a2 མེད་ངོ་བོར་རང་གནས་ཕྱིར།། དེས་ན་མ་བསྒྲིབས་རང་གསལ་བས།། གང་ཡང་གཞན་དུ་མི་དམིགས་ན།། གཞི་ལས་མ་འགྱུར་ངོ་བོར་སོན།། ཆོས་ཅན་མེད་པས་གཞལ་བྱར་བྲལ།། དེ་ཡང་རྡོ་རྗེ་སེམས་དཔའ་ཉོན།།
184a3 སྣང་མེད་ཆོས་སྐུར་གསལ་བ་ལ།། ཇི་སྙེད་པ་ཡི་རྣམ་གྲངས་ཀུན།། དགག་བསྒྲུབ་བྱ་བ་མེད་པའི་ཕྱིར།། རང་གི་ས་ན་ལེགས་གནས་པས།། གཞན་པ་དག་ཏུ་མ་འགྲུབ་པས།། ཕྱོགས་གཉིས་བྲལ་བའི་བྱང་ཆུབ
184a4 སེམས།། མཐའ་བཞིའི་ཐ་སྙད་བྲལ་བ་ལ།། འཇལ་བྱེད་གཏན་ཚིགས་ཅི་ཞིག་དགོས།། འདུས་པའི་རྡོ་རྗེ་སྙིང་པོ་ཉོན།། མཚོན་པའི་ཐ་སྙད་མི་བརྗོད་ང་།། ཆོས་རྣམས་མ་ལུས་ཐམས་ཅད་ཀུན།། ལོག་པའི་རྗེས་སུ
184a5 འབྲང་བའི་ཕྱིར།། ཡུལ་མེད་ཐིག་ལེ་རང་ཤར་བས།། ཇི་བཞིན་མ་ནོར་སྙིང་པོ་ཡིས།། ངེས་པར་གཞན་དུ་བལྟ་བར་གྲོལ།། དེ་ཡང་རྡོ་རྗེ་སེམས་དཔའ་ཉོན།། ཀུན་བཟང་གད་ལ་ཁྱབ་རང་བཞིན་ལ།། ཐོག་མཐའ
184a6 ཆོད་ཕྱིར་གོལ་མེད་པས།། དེ་ཉིད་ཡེ་ཤེས་རང་ཤར་བས།། གོལ་ས་ཉིད་ཀྱང་ཆོས་ཉིད་དག། ཡེ་ཤེས་ངང་དུ་འགྱུར་བའི་ཕྱིར།། དམིགས་ཞེན་མེད་པས་གོལ་མེད་གསུངས།། དེ་ཡང་འཁོར་གྱི་སྙིང་པོ་ཉོན།། དཔེར
iiif viewer powered by OpenSeadragon
