| e-texts navigator |
| Wylie |
183a1 ཡེངས་མེད་དོན་ཤར་བྱང་ཆུབ་ཟུགས།། སྤྱི་མཐུན་ཉི་མ་སྟོང་པས་གསལ།། དེ་ཉིད་རྟོགས་པས་བསྒོམ་མི་དགོས།། ཡེ་ཤེས་རིག་པ་གསལ་བ་ལ།། མ་རིག་མུན་པ་གདོད་ནས་མེད།། བག་ཆགས་ཉོན
183a2 མོངས་རྩད་ནས་བརླག། དགོངས་པ་སངས་རྒྱས་ཀུན་དང་མཉམ།། དེ་ཡང་འདུས་པའི་སྙིང་པོ་ཉོན།། དཔེར་ན་རྒྱ་མཚོ་རླབས་སུ་བྱུང་།། དེ་བཞིན་དོན་རྟོགས་སྤྱོད་པ་ཡང་།། འབྲལ་མེད་རིག་པའི་ཡེ་ཤེས་ཀློང་།།
183a3 དུས་བཞིར་ཡེ་ཤེས་རྒྱུན་མི་འཆད།། དོན་འདི་རྟོགས་པའི་སྤྱོད་པ་དེ།། ཚོགས་བསགས་སྒྲིབ་སྦྱངས་ས་བཅུ་པས།། སྐད་ཅིག་འདི་དྲན་ཁྱད་པར་འཕགས།། ལུས་ངག་རྩོལ་མེད་རིག་སྤྱོད་བདེ།། དེ་ཡང་འཁོར་གྱི་སྙིང
183a4 པོ་ཉོན།། རང་རིག་འབྲས་བུ་རང་ལ་ཆེ།། གཟུགས་དང་བྲལ་བས་སྐྱེ་ཤི་མེད།། རང་ལས་བྱུང་བས་ཡེ་ཤེས་སྐུ།། ཡུལ་མེད་རིག་པ་མངོན་སངས་རྒྱས།། འདི་རྟོགས་འབྲས་བུ་ལྷུན་གྲུབ་དེ།། བསམ་པ་ཙམ་གྱིས་ཀུན
183a5 འགྲུབ་སྟེ།། འཆིང་བུ་རིན་ཆེན་ཁྱད་པར་ལྟར།། སྐྱེ་བ་མི་ལེན་མངོན་སངས་རྒྱས།། དེ་ཡང་རྡོ་རྗེ་སེམས་དཔའ་ཉོན།། དེ་རྟོགས་མི་ཟད་རིན་ཆེན་གཏེར།། དེ་ཡི་འབྲས་བུ་ཡོན་ཏན་ནི།། གཟུགས་མེད་རིག་པ་ང་ཡི།
183a6 སྐུ།། ཐ་མལ་རང་སེམས་ང་ཡིས་ཐུགས།། སྟོང་ཉིད་དྲན་པ་ང་ཡིས་གསུང་།། རིག་པའི་ཡོན་ཏན་གང་ཡང་འགྲུབ།། ཡེ་ནས་ཕྲིན་ལས་རང་བྱུང་བས།། རིག་པ་སྤྲོས་བྲལ་ཆོས་སྐུར་རྫོགས།། དེ་ཡང་འདུས་པའི་འཁོར
iiif viewer powered by OpenSeadragon
