| e-texts navigator |
| Wylie |
182a1 @#། ལེའུ་སྟེ་བཅུ་དྲུག་པའོ།། །། དེ་ནས་འདུས་པའི་འཁོར་རྣམས་ལ།། ཀུན་རིག་རྒྱལ་པོས་བཀའ་སྩལ་པ།། ཐུགས་ཀྱི་གདེང་ཆུད་སྐལ་ལྡན་ལ།། མི་ནུབ་ཡོངས་ཀྱི་གཏེར་དུ་ནི།། དུས་གསུམ
182a2 རྒྱལ་བ་ཆོས་ཀྱི་སྐུའི།། རང་བྱུང་ཐུགས་ལ་གསལ་བའི་དོན།། མཉམ་ཉིད་འགྲོ་དོན་བྱེད་པའི་ལམ།། ཚད་མར་རང་རིག་དབང་ཕྱུག་གིས།། རྗེས་འཚོ་བ་ཐུགས་ཀྱི་སྲས་མཆོག་ལ།། སྐྱེ་འགག་འཁོར་བའི་སྦྲང་ལེན
182a3 མེད།། བདག་དང་བྲལ་བས་རྒྱལ་བའི་ཐུགས།། དེ་ཡང་འདུས་པའི་འཁོར་རྣམས་ཉོན།། འདུ་འབྲལ་འཆི་མེད་ཡེ་ཤེས་ལུས།། རིགས་པ་ཕྱོགས་མེད་བྱང་ཆུབ་འཆར།། སོ་སོ་མ་ཡིན་ཡེ་ནས་གཅིག། དེ་ཕྱིར་ཡོན
182a4 ཏན་རྙེད་པར་དཀའ།། བྱང་ཆུབ་དང་དུ་ཐམས་ཅད་འདུས།། མཁའ་མཉམ་དབང་ཕྱུག་ཆེན་པོའི་ཐུགས།། ཡེ་ཤེས་སངས་རྒྱས་ཀུན་དང་མཉམ།། སྡེ་སྣོད་ཆོས་རྣམས་ཐུགས་ལ་རྫོགས།། འཇིག་རྟེན་ཁམས་ན་འགྲན
182a5 ཟླ་མེད།། ཞེ་འདོད་རིག་པས་མ་བསྒྲུབས་ཀྱང་།། རང་རིག་སེམས་ལ་སངས་རྒྱས་ཚང་།། དེ་ཉིད་འབྲས་བུ་དམ་པར་གསུངས།། དེ་ཡང་འདུས་པའི་འཁོར་རྣམས་ཉོན།། སྔོན་ཚེ་རྣམ་གཟིགས་བསྟན་པ་ལ།། བྲམ་ཟེ
182a6 དཔལ་ལྡན་བྱ་བའི་བུས།། རང་སེམས་རྟོགས་པའི་དོན་མེད་པར།། གཞན་ནས་འབྲས་བུ་ཞེ་འདོད་ཀྱིས།། རིགས་ལྔའི་སངས་རྒྱས་ནམ་འགྲུབ་ཅེས།། ཡིད་ལ་བསམ་ཞིང་ལྷར་བསྒོམས་པས།། འབྲས་བུ་མེད་ཅིང
iiif viewer powered by OpenSeadragon
