| e-texts navigator |
| Wylie |
181b1 ཉིད་མཐོང་།། མི་གཡོ་བ་ཡི་ཏིང་འཛིན་གྱིས།། རྣམ་རྟོག་དེ་ཉིད་ཟིལ་གནོན་པས།། གཙང་མ་རིས་ཀྱི་ལྷར་སྐྱེས་ནས།། དེ་ཉིད་དུས་ན་མངོན་སངས་རྒྱས།། མཉམ་ཉིད་ལྡན་པའི་ཏིང་འཛིན་གྱིས།། ལུས་བྲལ་སྐད
181b2 ཅིག་དེ་ཉིད་ལ།། འབྲས་བུ་སངས་རྒྱས་ཆོས་ཀྱི་སྐུ།། དཔེ་མེད་ཡེ་ཤེས་ཀུན་བཟང་ཐུགས།། དེ་ཡང་འཁོར་གྱི་སྙིང་པོ་ཉོན།། མཉམ་པའི་དོན་ལ་ཡེ་ཤེས་པས།། འབྲས་བུ་རིག་པ་ད་ལྟ་ཉིད།། དེ་དོན་མི་བརྗེད་ཡེ
181b3 དྲན་ཕྱིར།། གཟུགས་ཁམས་གནས་སུ་ཅི་ལ་ལྟུང་།། ཉམ་མྱོང་ཉིད་ལ་མ་ཞེན་ཅིང་།། སྟོང་པ་འཛིན་མེད་དོན་གསལ་བར།། རང་རིག་ཡེ་ཤེས་མཐུ་བརྟས་ཕྱིར།། གཟུགས་མེད་ཁམས་སུ་ཅི་ལ་ལྟུང་།། རང་སེམས
181b4 རྟོགས་པ་མངོན་གྱུར་པས།། རེ་དང་དོགས་པའི་བློ་བྲལ་ཕྱིར།། གང་ཡང་འཛིན་མེད་ཐུགས་ལ་གསལ།། ཉན་ཐོས་ས་རུ་ལྷུང་མི་འགྱུར།། དང་པོ་ལྟ་བ་བདག་མེད་པས།། མཚན་མའི་ཡུལ་ལ་མ་ཞེན་ཕྱིར།། ཡུལ
181b5 ཉིད་སེམས་སུ་བསྡུས་པ་མེད།། འདོད་ཁམས་གནས་སུ་ལྟུང་མི་འགྱུར།། དེ་ཡང་འདུས་པའི་སྙིང་པོ་ཉོན།། ནམ་མཁར་ཉི་ཤར་མུན་པ་མེད།། དེ་བཞིན་རང་རིག་ཆོས་སྐུ་ལ།། མ་རིག་མེད་པས་ཡེ་ཤེས་ཤར།།
181b6 སངས་རྒྱས་ཐུགས་ལ་འཆར་ནུབ་མེད།། དེ་ཕྱིར་འབྲས་བུ་སངས་རྒྱས་མཆོག། རྫོགས་པ་ཆེན་པོ་དོན་འདུས་རིག་པའི་གསུང་།། རང་བྱུང་བདེ་བའི་འཁོར་ལོའི་རྒྱུད་ལས། འབྲས་བུ་ལྟུང་མེད་འབྱུང་བར་བསྟན་པའི
iiif viewer powered by OpenSeadragon
