| e-texts navigator |
| Wylie |
181a1 རང་བྱུང་ཐུགས།། འགྲན་ཟླ་འཇིག་རྟེན་གསུམ་ན་མེད།། དེ་ཉིད་ང་རྒྱལ་ངོ་བོ་ཉིད།། ཕྲག་དོགས་གོལ་སྒྲིབ་སྐྱོན་མེད་པས།། དེ་ཕྱིར་མ་སྤངས་རང་སར་དག། ལྟ་བ་ངན་ལ་ཕྲག་དོག་གསལ།། དེ་ཕྱིར
181a2 ཕྲག་དོག་གསང་བའི་སྐུ།། དེ་ཡང་འདུས་པའི་སྙིང་པོ་ཉོན།། སེམས་ཅན་ལོག་རྟོག་ཆེན་པོ་ཆེ།། གཞན་གྱི་རྐྱེན་གྱིས་མི་བཟློག་ཕྱིར།། དུག་ལྔ་རང་ལ་བརྟེན་ཏེ་བཟློག། མཐུན་པར་བསྟན་པས་ངེས་པར་བཟློག། ད
181a3 ཡང་འདུས་པའི་སྙིང་པོ་ཉོན།། བཟློག་ཏུ་མི་འདོད་གང་ཟག་ལ།། སྡིག་ཅན་མུ་སྟེགས་མཐོང་བའི་ཚེ།། གཤེ་སྦྱོ་མཚང་རྣམས་འབྲུ་བའི་ཚེ།། བདག་ཉིད་གཞན་དུ་བྱོལ་བར་བྱ།། གལ་ཏེ་སྤང་བའི་ཐབས་མེད་ན།།
181a4 ངག་གི་སྒྲས་ཚིག་མི་གོ་བས།། སྙིང་རྗེ་ཆེན་པོའི་སེམས་བསྐྱེད་ལ།། ལོག་གནོན་གདམས་ངག་དྲན་བྱས་ལ།། བཟོད་པའི་ཡུལ་དུ་ཤེས་པར་བྱ།། རྫོགས་པ་ཆེན་པོ་དོན་འདུས་རིག་པའི་གསུང་། རང་བྱུང་བདེ་བའི
181a5 འཁོར་ལོའི་རྒྱུད་ལས། དུག་ལྔ་རང་གྲོལ་དུ་བསྟན་པའི་ལེའུ་སྟེ་བཅོ་ལྔ་པའོ།། །། དེ་ཡང་འདུས་པའི་འཁོར་རྣམས་ཉོན།། འབྲས་བུ་རིམ་འབྱུང་ངས་བཤད་ཀྱིས།། ལེགས་པར་ཉོན་ལ་ཡིད་ཀྱིས་ཟུང་།། དེ
181a6 ཡང་འདུས་པའི་འཁོར་རྣམས་ཉོན།། གནས་པའི་ཏིང་འཛིན་དོན་ལྡན་པས།། ཡེ་ཤེས་བག་ཆགས་ཆ་སྙོམས་ཕྱིར།། གསལ་ལ་མི་རྟོག་དུས་མཉམ་པས།། འདོད་ཁམས་ལྷར་ནི་སྐྱེ་དབང་ཡོད།། དེ་ཚེ་འཕོས་ནས་ཆོས
iiif viewer powered by OpenSeadragon
