| e-texts navigator |
| Wylie |
180b1 མཚན་མ་རྒྱུན་གང་།། དོན་དྲན་དགག་བསྒྲུབ་མེད་པར་ཤེས།། སངས་རྒྱས་ལྟ་སྒོམ་ངོ་བོ་གཅིག། རྣལ་འབྱོར་སྤྱོད་ལམ་ཐམས་ཅད་དུ།། དོན་དྲན་སྤྱོད་པ་ཡིན་པའི་ཕྱིར།། མ་དྲན་གཉིད་དང་ཉོན་མོངས་པ།། རང
180b2 དགར་སོང་ཚེ་དེ་ཉིད་ལ།། ངོ་བོ་ཉིད་དྲན་གནོད་མི་ནུས།། དེ་ལྟ་ཉིད་ནི་ཡིན་ཤེས་ཕྱིན།། ཆེད་དུ་བྱས་ལ་སྤྱད་དུ་མེད།། རྫོགས་པ་ཆེན་པོ་དོན་འདུས་རིག་པའི་གསུང་།། རང་བྱུང་བདེ་བའི་འཁོར་ལོའི་རྒྱུད་ལས།།
180b3 འབྲལ་མེད་རྒྱུན་གྱི་སྤྱོད་པ་བསྟན་པའི་ལེའུ་སྟེ་བཅུ་བཞི་པའོ།། །། འདུས་པའི་འཁོར་ལ་དུག་ལྔ་ནི།། རང་གྲོལ་སྟོན་པས་བཀའ་སྩལ་པ།། རང་སེམས་དོན་རྟོགས་སྤྱོད་པ་ཡང་།། འདོད་ཆགས་ཞེ་སྡང་གཏི
180b4 མུག་དང་།། ང་རྒྱལ་ཕྲག་དོག་འཁོར་བ་དེ།། ངེས་པའི་དོན་ལྡན་རྣལ་འབྱོར་པས།། རྒྱུ་མཐུན་བག་ཆགས་མི་སོག་གོ། དེ་ཡང་རྡོ་རྗེ་སེམས་དཔའ་ཉོན།། ཕོ་མོ་དུས་གསུམ་སྦྱར་གྱུར་ཀྱང་།། བསླབ་པའི་ཚུལ་ཁྲིམས
180b5 ཉམས་པ་མེད།། བག་ཆགས་ཡི་དྭགས་གནས་མི་སྐྱེ།། མཐོ་རིས་ཐར་པར་རྟེན་མི་འཆའ།། རང་སེམས་སྙིང་པོ་རྟོགས་པ་ཡིས།། འཆི་མེད་སོགས་ལ་གཅད་དུ་མེད།། ཞེ་སྡང་མནར་སེམས་རིག་པའི་དོན།། དམྱལ
180b6 པབའི་སྡུག་བསྔལ་ཡ་མི་ང་།། རང་རིག་ཡེ་ཤེས་དོན་ལྡན་པས།། མ་རིག་སྣ་ཚོགས་དོན་དུ་ཤེས།། ཡེ་ནས་ཆོས་ཉིད་གདལ་བ་ལ།། མ་རིག་སྒྲིབ་པ་སྦྱང་དུ་མེད།། དོན་རྟོགས་ང་རྒྱལ་ཡེ་ཤེས་ལ།། ཡིད་ཆེས་ཆོས་སྐུ
iiif viewer powered by OpenSeadragon
