| e-texts navigator |
| Wylie |
17b1 མུ་སྟེགས་ཀྱིས་འཁྲུལ་ཚུལ་བསྟན་པའི་ལེའུ་སྟེ་དགུ་པའོ།། །། དེ་ནས་འདུས་པའི་ཚོགས་རྣམས་ལ།། ཐེག་པའི་རིམ་པ་བཀའ་སྩལ་པ།། གཞི་ནི་ངོ་བོ་ཉིད་སྐུ་དེ།། མཐུན་དཔེ་མེ་ལོང་ལྟ་བུ་ལ།། གཟུགས
17b2 བརྙན་ཐེག་པ་རིམ་དགུ་བྱུང་།། དེ་ཡང་རྡོ་རྗེ་སེམས་དཔའ་ཉོན།། དེ་དོན་རྣམ་པར་ཕྱེ་བ་ནི།། དང་པོ་ཉན་ཐོས་ལྟ་བ་ཡང་།། མདོ་སྡེ་པ་དང་བྱེ་བྲག་པ།། གང་ཟག་བདག་མེད་ཆོས་བདག་ཡོད།། ཡུལ་ལ་དངོས་པོར
17b3 འཛིན་ཕྱིར་གོལ།། དེ་ཡང་འཁོར་གྱི་སེམས་དཔའ་ཉོན།། སྣང་བ་ཕྲ་རགས་ཡུལ་གྱི་གཞི།། ཆོས་ལ་བདག་ཏུ་འཛིན་པ་ཡོད།། ཞི་བ་ཕྱོགས་གཅིག་ཐར་མི་ཐོབ།། ལྷག་མཐོང་མེད་ཕྱིར་སྐྱེ་བོ་རང་།། དོན་རྟོགས་ཡུལ
17b4 འདི་ཆོས་ཀྱི་དབྱིངས།། དེ་ཡང་འཁོར་གྱི་སྙིང་པོ་ཉོན།། བདེན་པ་བཞི་ཡིས་སྒོར་ཞུགས་ནས།། དབུགས་ལ་སེམས་ཞུགས་འགོག་པར་བསྒོམ།། སྔོན་གྱིས་བསྟན་པ་ལ་ཞུགས་ནས།། ད་ལྟའི་སྟན་ལ་མཉམ་པར
17b5 བཞག། ད་ལྟའི་བསྟན་པ་ལ་བཞུགས་ནས།། མཁན་སློབ་བསྡོམ་པའི་ཁྱད་པར་གྱིས།། རེ་དོགས་སྤྱོད་པ་ཆེད་བྱེད་པའི།། དཀའ་ཐུབ་ལུས་གདུང་བཟོད་པ་ཡི།། སེམས་ཀྱིས་ལུས་ངག་བཙོན་དུ་བཟུང་།། མ་འོངས
17b6 སྨོན་ལམ་རྗེས་འདེབས་ཀྱང་།། རྡུལ་དང་ཤེས་པ་གཉིས་འདོད་པས།། གླང་ཆེན་འདམ་དུ་བྱིང་བ་སྟེར།། ལུས་ངག་ལས་ཀྱི་རྩོལ་བ་ཡིས།། འབྲས་བུ་མི་ཐོབ་སྙིང་རྗེའི་གནས།། ད་ཡང་འདུས་པའི་སྙིང་པོ་ཉོན།། ཐ
iiif viewer powered by OpenSeadragon
