| e-texts navigator |
| Wylie |
17a1 འཁྲུལ་པ་ཡིས།། རྒྱུ་འབྲས་ལོག་པའི་བརྟུལ་ཞུགས་ཀྱིས།། ཐར་ལམ་མི་ཐོབ་འཁོར་བར་ལྟུང་།། མར་འདོད་བྱེ་མ་བཙིར་བ་བཞིན།། དེ་ཡང་འདུས་པའི་སྙིང་པོ་ཉོན།། ཡེ་མེད་ཆད་པར་འདོད་པ་ནི།།
17a2 ཁ་དོག་དབྱིབས་མེད་ཆད་གཞི་བྱས།། སྔ་ཕྱི་རྒྱུ་འབྲས་མེད་པར་འཁྲུལ།། སྐུར་བཏབ་དམྱལ་བ་ཆེན་པོར་ལྟུང་།། ཆད་དུ་མ་སྟེར་རིག་པར་ཡོད།། དེ་ཕྱིར་གཞི་ལ་གོལ་མེད་པས།། རང་བྱུང་ཡེ་ཤེས་ཀློང་ན་གནས།།
17a3 ད་ཡང་འཁོར་གྱི་སྙིང་པོ་ཉོན།། ཕུང་པོས་བསྡུས་པའི་ཆོས་རྣམས་ཀུན།། དང་པོ་ཡེ་མེད་སྟོང་པ་ལས།། གློ་བུར་ཟིལ་ཙམ་ཕྲ་རགས་སྐྱེད།། དེ་ལས་ཡིད་སེམས་ཆ་ཕྲ་བྱུང་།། རྒྱུ་རྐྱེན་དག་ལས་བྱུང་བ་སྟེ།། བྱུང་ཡང
17a4 འབྱུང་བ་བཞི་ལས་བྱུང་།། ལས་ཀྱི་རྒྱུ་འབྲས་མེད་པར་ནི།། འབྱུང་བ་ལྔ་ཞིག་རང་ཐིམ་ནས།། མེ་ཤི་ཐལ་བ་རླུང་ཁྱེར་འདྲ།། ད་ཡང་འཁོར་གྱི་སྙིང་པོ་ཉོན།། གཉིས་ཀའི་གཞི་འདོད་མུ་སྟེགས་ནི།། རིག་བྱེད་སྨྲ་བའི
17a5 ལྟ་བ་སྟེ།། རང་སེམས་ཤེས་པ་ལུང་མ་བསྟན།། གཞི་ནི་ངེས་པ་མེད་པ་ལས།། སྣང་བ་གང་ཡང་མི་འགོག་འདོད།། གདོན་གྱིས་ཟིན་པའི་སྨྱོན་པ་འདྲ།། དེ་ཡི་འབྲས་བུ་ངེས་པར་ནི།། སེམས་ཀྱི་རྩ་བ་མ་ཤེས་པས།།
17a6 འབྱུང་ཆེན་གཏོས་ཀྱི་མུན་པ་བཞིན།། ཐུགས་རྗེའི་ཉི་ཟེར་ཞགས་ཐག་ཆད།། དམྱལ་བའི་འབྲས་བུར་ཐེ་ཚོམ་མེད།། རྫོགས་པ་ཆེན་པོ་ངེས་དོན་ཐམས་ཅད་འདུས་པ་ཡེ་ཤེས་ནམ་མཁའ་དང་མཉམ་པའི་རྒྱུད་ལས།།
iiif viewer powered by OpenSeadragon
