| e-texts navigator |
| Wylie |
179b1 ཉོན།། ངེས་པ་དོན་གྱི་གདེང་རྙེད་པས།། བསྒོམ་དུ་མེད་ཕྱིར་ཡེངས་པ་མེད།། དུས་བཞི་རྐྱེན་ཐུབ་བར་དུ་ནི།། འཁོར་འདས་ཡུལ་གྱིས་མི་བསླད་ཕྱིར།། ཡེ་ཡོད་དོན་ལ་བརྗོད་མི་བྱ།། རྒྱལ་པོ་མི་འགྲོ་འཁོར་སྡུད
179b2 བཞིན།། ཆོས་ཉིད་མ་བསྒོམས་སྐུ་གསུམ་འབྱུང་།། ཆེ་བའི་ཡོན་ཏན་ལྷུན་གྱིས་གྲུབ།། དཔེར་ན་སྒྱུ་མ་མཁས་པ་ཡིས།། སྤྲུལ་པའི་སྲོག་ནི་བཅད་ཙམ་ན།། སྲོག་མེད་སྒྱུ་མ་ཡིན་ཤེས་ལྟར།། རང་རིག་ལྟ་བའི་དོན་ཡོད
179b3 པས། དུག་ལྔ་སྤྱོད་ཚེ་ཡེ་ཤེས་འཆར།། ངོ་བོ་ཉིད་ལས་འགྲིབ་མེད་ཤེས།། དེ་ཚེ་ཉོན་མོངས་ཅི་སྤྱད་ཀྱང་།། སྐྱོན་གྱིས་མ་གོས་རང་བྱུང་གསལ།། དེ་ཉིད་མི་བརྗེད་རྟོགས་པའི་ཕྱིར།། ཆེད་དུ་བྱས་ལ་བསྒོམ་མི
179b4 དགོས།། དེ་ཡང་འདུས་པའི་འཁོར་རྣམས་ཉོན།། རང་སེམས་རྟོགས་པའི་བསྒོམ་པ་ལ།། ཅིག་ཆར་བརྟུན་ཏེ་འཇུག་ནུས་ན།། བསྒོམ་པའི་ཐུན་ལ་རིང་ཟུང་མེད།། ནམ་འགྲུབ་སྙམ་པས་ཁར་མ་ལུས།། རྫོགས་པ་ཆེན
179b5 པོའི་དོན་འདུས་རིག་པའི་གསུང་།། རང་བྱུང་བདེ་བའི་འཁོར་ལོའི་རྒྱུད་ལས། འབྲལ་མེད་རྒྱུན་གྱི་ཏིང་ངེ་འཛིན་བསྟན་པའི་ལེའུ་སྟེ་བཅུ་གསུམ་པའོ།། །། དེ་ནས་ཀུན་རིག་རྒྱལ་པོ་དེས།། འབྲལ་མེད
179b6 རིག་སྤྱོད་བཀའ་སྩལ་པ།། རང་བྱུང་ཡེ་ཤེས་ནམ་མཁའ་ཆེ།། མ་འདྲེས་ཡོངས་རྫོགས་ཆོས་ཀྱི་སྐུ།། མི་སྐྱེ་མི་འགག་རྒྱུན་དུ་སྤྱོད།། དེ་ཡང་རྡོ་རྗེ་སེམས་དཔའ་ཉོན།། བསམ་འདས་འོད་གསལ་ཡིད་ལ་གནས།།
iiif viewer powered by OpenSeadragon
