| e-texts navigator |
| Wylie |
179a1 རྫོགས་པ་ཆེན་པོ་དོན་འདུས་རིག་པའི་གསུང་། རང་བྱུང་བདེ་བའི་འཁོར་ལོའི་རྒྱུད་ལས། ཡེ་ཤེས་ཀྱི་བསྒོམ་པ་ངོས་བཟང་བའི་ལེའུ་སྟེ་བཅུ་གཉིས་པའོ།། །། རྡོ་རྗེ་སེམས་དཔའ་ཡང་ཅན
179a2 ཅིག། ངོས་ཟིན་དོན་ལ་གནས་ཐབས་ནི།། མར་མེས་མུན་བསལ་སྣང་བ་བཞིན།། སྐད་ཅིག་མ་ཡི་ཏིང་འཛིན་དེས།། བག་ཆགས་བརླག་པས་མ་རིག་སངས།། དོན་ཉིད་ཡེ་ཤེས་དྲན་པ་ཡིས།། ཉོན་མོངས་ལས་ཀྱི
179a3 གོས་པ་མེད།། དེ་བས་གདམས་ངག་དྲན་པས་ནི།། སྒྱུ་མ་སངས་ནས་འཁྲུལ་བྲལ་བཞིན།། མཚན་མའི་རྟོག་བྲལ་དོན་ཤེས་པས།། སྤྲོས་བྲལ་ཡེ་ཤེས་སྙིང་པོར་གནས།། དེ་ཡང་འདུས་པའི་སྙིང་པོ་ཉོན།། འཁོར
179a4 འདས་གཞིར་ཤེས་རང་བྱུང་སྟེ།། བསྒོམ་དང་མི་བསྒོམ་སྒྲོ་སྐུར་བྲལ།། དེ་ཉིད་ཉམས་སུ་བླངས་ཐབས་ནི།། ཐེག་པས་སྣོད་ཆེན་ཁེངས་པ་བཞིན།། ངོ་བོ་ཉིད་ཀྱི་ཆོས་སྒྲ་ལ།། ཡང་ཡང་རིག་པས་གསལ་ཐེབས་ན།
179a5 གོལ་ས་མི་འབྱུང་སངས་རྒྱས་གྲུབ།། དཔེར་ན་བུད་མེད་སྦྲུམ་མ་ནི།། སྐྱེ་བའི་དུས་སུ་ཟས་བསྟན་བཞིན།། ལུང་བསྟན་གདམས་ངག་ཡོད་པའི་མིས།། རྐྱེན་གྱིས་རྟོག་པ་ཅི་བྱུང་ཡང་།། དེ་དུས་ངེས་དོན་བལྟ་དྲན
179a6 པས།། མ་བསྒོམས་དོན་དང་འབྲལ་བ་མེད།། རྒས་པས་ཉམས་ཆུང་བསྟེན་པ་བཞིན།། བླ་མ་མཁས་པ་དོན་ལྡན་པ།། རྟག་ཏུ་བསྟེན་ཅིང་གུས་བྱས་ན།། འབྲས་བུ་ཆོས་སྤུ་མྱུར་དུ་འགྲུབ།། དེ་ཡང་རྡོ་རྗེ་སེམས་དཔའ
iiif viewer powered by OpenSeadragon
