| e-texts navigator |
| Wylie |
178b1 རྣམ་སྨིན་ལུས་ཀྱི་རྟེན་བཅས་པའི།། ཐ་མལ་ཀུན་གཞི་གཞི་ཆ་ལ།། ལུང་ལྡན་རྐྱེན་གྱི་གདམས་ངག་གིས།། རང་སེམས་ཆོས་སྐུར་ངོ་སྤྲད་པས།། དམིགས་འཛིན་མེད་པར་ངང་གིས་གསལ།། གཉུག་མར་གནས་ལ
178b2 འཕེལ་འགྲིབ་མེད།། ཡུལ་སེམས་གཉིས་ལ་སྤྱོད་དང་བྲལ།། མཐའ་དབུས་མི་དམིགས་དྲན་ལས་འདས།། ཡེ་ནས་དག་ཕྱིར་བྱ་བ་མེད།། བཙལ་དུ་མེད་པས་སེམས་ལས་འདས།། ཀུན་ལ་ཁྱབ་པས་བཙལ་མི
178b3 དགོས།། འགག་པ་མེད་ལ་རིག་པ་སྟོང་།། མ་བྱས་ཕྱིར་ན་འཇིགས་པ་མེད།། རིག་པ་བསལ་བས་རང་ངོ་ཤེས།། ཇི་བཞིན་པ་ལ་མ་སྐྱེས་པ།། མ་བཅོས་རྐྱེན་གྱིས་མི་འགྱུར་བ།། རྟག་ཆད་མ་ཡིན་བསྡུས་པ་མེད།། སོ
178b4 སོ་མ་ཡིན་འདྲེས་པ་མེད།། དངོས་མེད་སེམས་ཀྱི་ཏིང་འཛིན་གསལ།། བཏང་བཞག་མེད་པའི་ཆོས་སྐུ་ལ།། བྱིང་རྒོད་མི་འབྱུང་རྒྱུན་དུ་གནས།། ཡེ་ཤེས་དོན་ལ་འཆར་ནུབ་མེད།། དེ་ཡང་འདུས་པའི་སྙིང་པོ་ཉོན།།
178b5 རང་རིག་ཡེ་ཤེས་འདི་ཉིད་ལས།། བསྒོམ་དུ་མེད་ཕྱིར་ཡེངས་པ་མེད།། གཟུངས་དུ་མེད་པས་ཞེ་ལ་གསལ།། རང་ཡིད་ཆེས་ལ་ཁར་མི་ཐོན།། སྣང་སྲིད་གསལ་ལ་ཞེན་པ་མེད།། རང་རིག་བྱ་ར་དངོས་མེད་གྲོལ།།
178b6 དྲན་པ་མེད་བརླག་འགྲོ་འོང་མེད།། དྲན་པའི་རིག་པ་ཅི་བྱུང་ཡང་།། དེ་ཉིད་དུས་ནས་ངོས་གཟུང་མེད།། དེ་ཡང་འདུས་པའི་སྙིང་པོ་ཉོན།། ཡིད་ཀྱིས་ཡུལ་དུ་མ་བསྒོམས་ཀྱང་།། ལྟ་བའི་དོན་དང་འབྲལ་མེད་ཕྱིར།།
iiif viewer powered by OpenSeadragon
