| e-texts navigator |
| Wylie |
178a1 མཁའ་འདྲ།། རིག་པ་མ་བསླད་གཉུག་མར་གནས།། དམིགས་འཛིན་མེད་ལ་ངང་གིས་གསལ།། དངོས་པོར་མེད་ལ་ཤེས་པར་ཡོད།། ནམ་མཁར་ཉི་མའི་འོད་ཤར་འདྲ།། འདུས་མ་བྱས་པའི་ཡེ་ཤེས
178a2 ཀྱིས།། རྟེན་འཆའ་མེད་པར་ཉོན་མོངས་སེལ།། འབྱུང་བ་ལྔ་ལ་རགས་མ་ལུས།། མི་འགྱུར་འཇོམས་པས་རྡོ་རྗེ་འདྲ།། བླ་མས་དོན་བསྟན་རྣལ་འབྱོར་པས།། ཐེ་ཚོམ་མེད་པར་རང་སེམས་རྟོགས།། ཐམས་ཅད
178a3 གཅིག་ལས་རྫོགས་པར་ཤེས།། མ་རིག་ལོང་བའི་མིག་ཕྱེད་འདྲ།། ཡེ་ཤེས་རིག་པ་དེ་ཉིད་ནི།། ཡོད་མེད་དབུས་ཀྱི་མཐའ་བྲལ་བར།། སང་ངེ་ས་ལེ་འཕོ་འགྱུར་མེད།། ཀ་ཤིའི་རས་ཀྱི་རིན་ཆེན་འདྲ།། དེ་ཡང་རྡོ་རྗེ
178a4 སེམས་དཔའ་ཉོན།། མ་བཅོས་ལྟ་བའི་རང་བཞིན་ལ།། ཡུལ་མེད་ཆོས་སྐུ་རང་བྱུང་དེ།། རེ་དོགས་རྡུལ་ཙམ་མེད་པའི་ཕྱིར།། ལྷུན་གྲུབ་ཡེ་ཤེས་ཆེན་པོ་ཡིན།། རྫོགས་པ་ཆེན་པོ་དོན་འདུས་རིག་པའི་གསུང་། རང
178a5 བྱུང་བདེ་བའི་འཁོར་ལོའི་རྒྱུད་ལས། ཡེ་ཤེས་ལྷུན་གྲུབ་ཀྱི་ལྟ་བ་བསྟན་པའི་ལེའུ་སྟེ་བཅུ་གཅིག་པའོ།། །། རྡོ་རྗེ་སེམས་དཔས་ཡང་ཞུས་པ།། མ་བསྒོམས་ཏིང་འཛིན་ཇི་ལྟར་ལགས།། འབྲལ་མེད་རྒུད་ཀྱི
178a6 སྤྱོད་པ་གང་།། རེ་དོགས་མེད་པའི་འབྲས་བུ་རྣམས།། ཀུན་རིག་སྟོན་པས་བཤད་དུ་གསོལ།། དེ་སྐད་ཞུས་པས་དོན་གསན་ནས།། འདུས་པའི་འཁོར་ལ་བཀའ་སྩལ་པ།། མ་བསྒོམས་འབྲལ་མེད་ཏིང་འཛིན་ནི།།
iiif viewer powered by OpenSeadragon
