| e-texts navigator |
| Wylie |
177a1 ནས་མེད་པས་དོན་རྟོགས་པས།། ཡེ་ཤེས་གཅིག་གིས་ངང་དུ་འདུས།། ལུས་ངག་ཡིད་ཀྱི་བྱ་བ་རྣམས།། བྱས་ན་འཆིང་བའི་ལས་ཡིན་པས།། གཞི་ལ་མེད་ཤེས་བཙལ་མི་དགོས།། མ་བསྒོམས་འདུ
177a2 འབྲལ་མེད་པར་བལྟ།། རྫོགས་པ་ཆེན་པོ་དོན་འདུས་རིག་པའི་གསུང་། རང་བྱུང་བདེ་བའི་འཁོར་ལོའི་རྒྱུད་ལས། མ་རིག་མུན་སེལ་གྱི་ལྟ་བ་བསྟན་པའི་ལེའུ་སྟེ་དགུ་པའོ།། །། དེ་ཡང་འདུས་པའི་འཁོར
177a3 རྣམས་ཉོན།། སངས་རྒྱས་སེམས་ཅན་འབྱུང་བ་ཀུན།། གློ་བུར་ཡིན་ཕྱིར་གནས་ལུགས་མིན།། དེ་ཕྱིར་འཇིག་རྟེན་དཔེ་མི་བླངས།། འཁོར་འདས་གཞི་ལ་དོན་མ་རེག། དེ་ཡང་འདུས་པའི་སྙིང་པོ་ཉོན།། ཕ་མེད་མ
177a4 མེད་ནགས་ཀྱི་བྱེའུ།། ནམ་མཁའི་མཐོངས་སུ་ཐོན་པ་ལྟར།། གློ་བུར་འཁོར་འདས་གཉིས་བོར་ནས།། ཆོས་སྐུ་རྟོགས་པས་མ་རིག་སངས།། གདོད་མའི་རང་བྱུང་འདི་ཉིད་ནི།། ལྟ་བར་ཤེས་པའི་ཆོག་པའི་ཕྱིར།།
177a5 ཁོར་འདས་གཉིས་པོ་གདོད་ནས་མེད།། ཡུལ་དང་མ་འབྲེལ་ངོ་བོ་ཉིད།། དེ་དོན་རྟོགས་པས་དོན་ལ་གནས།། ཡེ་རྫོགས་ཆོས་སྐྲ་ཆེན་པོ་ཡིན།། རེ་དོགས་མཐའ་ཀུན་རྣམ་པར་ཞི།། ཚིག་ཏུ་མཚོན་མེད་ཡེ་ནས
177a6 བདེན།། གཅིག་དང་དུ་མ་མཐའ་ཡི་ཆོས།། དེ་ཕྱིར་འཁོར་འདས་གཉིས་ལས་འདས།། འདི་ཐོས་མི་སྐྲག་ལྟ་བའི་མཆོག། དེ་ཡང་འདུས་པའི་སྙིང་པོ་ཉོན།། དངོས་པོ་མེད་ཕྱིར་རྟོག་པ་བྲལ།། ཀུན་ལ་ཁྱབ་པས་ཆད
iiif viewer powered by OpenSeadragon
