| e-texts navigator |
| Wylie |
176b1 བཀའ་སྩལ་པ།། རང་བྱུང་སྙིང་པོ་གནས་ལུགས་ནི།། ཉི་མ་ཤར་བས་མུན་པ་སངས།། ངེས་ལུང་བསྟན་པས་མ་རིག་བརླག། ཐིག་ལེ་བརྡལ་ཁྱབ་ཆོས་སྐུ་དེ།། རིག་པ་རང་གསལ་བཅོས་པ་མེད།། དེ་དོན་ལྷུན་གྲུབ
176b2 ཡེ་ནས་གསལ།། རང་བྱུང་སྙིང་པོ་རང་གསལ་ཐུགས།། ཡེ་ནས་ཐ་སྙད་ཀུན་དང་བྲལ།། ཇི་བཞིན་གསལ་ལ་ངན་རྟོག་མེད།། དོན་དམ་སྤྲོས་བྲལ་ལྟ་བའི་མཆོག། རྩལ་མེད་སྤྱོད་པ་ཡུལ་ལས་འདས།། ཡང་དག་ཀློང
176b3 གྱུར་དོན་ལ་མཁས།། དེ་ཉིད་དོན་ལ་སུ་སྦྱོར་བ།། ཚོགས་བརྒྱད་ཤེས་པའི་ཡུལ་ལས་འདས།། མངོན་དུ་གྱུར་པས་ཐུགས་ལ་བཀྲ།། ཀུན་གྱིས་རྟོགས་དཀའ་བྱང་ཆུབ་དེ།། གཡོ་མེད་མི་རྟོག་ཆོས་སྐུ་ལམ།། རང་རིག
176b4 བདེ་བ་ཡེ་ཤེས་ཀློང་།། གཅིག་ཏུ་རྟོགས་པ་རྫོགས་པས། ཡང་ཉེ་པ་ཐིག་ལེ་གསལ།། ལྟ་བ་དབུས་དང་མཐའ་མེད་པས།། སྤང་ལེན་མ་བཙལ་ལྷུན་གྱིས་གྲུབ།། སྐྱེ་མེད་ངང་དུ་རིག་པ་འཕྱོ།། རྟེན་མེད་ཆགས་པའི
176b5 ཡུལ་དང་བྲལ།། བསྒོམ་མེད་ལྟ་བ་ངང་གིས་གསལ།། མཚོན་པ་ཚིག་གིས་བཀྲི་དྲང་བྲལ།། སྐྱེ་མེད་གདེང་ཆུད་འདུ་འབྲལ་མེད།། སྣང་མེད་རིག་པའི་དངོས་པོ་བྲལ།། ཡང་དག་ཐུགས་ལ་སྤྲོ་བསྡུ་མེད།། མ་སྤྲོས
176b6 ལྷུན་གྲུབ་རིག་པར་ཤར།། ཀུན་ཁྱབ་དོན་འདུས་འཐའ་མི་རེག། ཡེ་ཤེས་སྐུ་མཆོག་ཆོས་སྐུར་བརྡལ།། དེ་ཡང་རྡོ་རྗེ་སེམས་དཔའ་ཉོན།། འགྲོ་དྲུག་སེམས་ཅན་རང་བྱུང་སྐུ།། འདི་ལྟར་སྣང་བ་མ་ལུས་ཀུན།། གདོད
iiif viewer powered by OpenSeadragon
